सुनसरी । सुनसरीको धरान उपमहानगरपालिका–१५ बाट हतियारसहित एकजना पक्राउ परेका छन् । पक्राउ पर्नेमा धनकुटा शहिदभूमी गाउँपालिका–६ का २७ वर्षीय रोशन राई छन् । उनको साथबाट अटोमेटिक पेस्तोल १ थान, म्याग्जिन १ थान, सोही म्याग्जिनमा लोड भएको गोली ३ राउण्ड, मोबाइल २ थान र सिम कार्ड ६ थान बरामद भएको प्रहरीले जनाएको छ ।

१ नम्बर प्रदेश क्षेत्रीय अनुसन्धान समूह र ईलाका प्रहरी कार्यालय धरानबाट खटिएको प्रहरीले धरान उपमहानगरपालिका–१५ स्थित घरमा लुकेर बसेको अवस्थामा उनलाई पक्राउ गरेको हो । अनुसन्धानको क्रममा उनले प्रयोग गरेको मोटरसाइकल सोही नगरपालिकास्थित रामहंस मार्गमा पार्किङ गरी राखेको खुल्न आएपछि उक्त मोटरसाइकल जाँच गर्दा सिटमुनी लुकाएर राखेको अवस्थामा उक्त हातहतियार प्रहरीले फेला पारेको हो ।