ललितपुर । हरेक वर्ष जस्तै यो वर्ष पनि वर्षा र सहकालका देवता रातो मच्छिन्द्रनाथ अथवा करुणामयको महास्नान गरियो । चैतकृष्ण प्रतिपदाका दिन रातो मच्छिन्द्रनाथ अथवा करुणामयलाई पाटनको तःबाहबाट लगनखेल चोकमा रहेको उनकी आमा मायादेवी मन्दिरमा लगी उपत्यकाको पाँच तीर्थ, मनोहरा, शिलु, गंगा, विष्णुमती र सपन तीर्थहरुको जलमा गाईको दूध मिसाएर महास्नान गर्ने परम्परा छ ।

 लिच्छबीकालमा देशभरि अनिकाल र खडेरी लाग्दा वर्षा र सहकालका देव रातो मच्छिन्द्रनाथलाई नेपाल प्रवेश गराएको किंवदन्ती छ । कोरोना भाइरस सङ्क्रमणको खतरा बढ्दै गए पछि सबै जात्राहरु रोकिएका छन् ।  तर रातो मछेन्द्रनाथको जात्रा रोक्न नहुने यो जात्रा रोके देशमा अन्नको समस्या र अनिकाल हुन सक्ने विश्वास छ ।