काठमाडौं । प्रतिनिधिसभाको दिउँसो १ बजे बस्ने भनिएको बैठक केही ढिलो हुने भएको छ । संसद सचिवालय स्रोतका अनुसार आज दुईवटा बैठक बस्नेछ । 

पहिलो बैठकमा उपसभामुख शिवमाया तुम्बाहाङ्फेले राजीनामा घोषणा गर्नेछिन् । त्यसपछि ज्येष्ठ सदस्य महन्थ ठाकुरको शपथ हुनेछ । उनले राष्ट्रपति कार्यालय शीतलनिवासमा शपथ लिनेछन् ।
सचिवालय स्रोतका अनुसार दिउँसो ४ बजे दोस्रो बैठकबाट सभामुख चयनको कार्यतालिका सार्वजनिक हुनेछ ।

उपसभामुख तुम्बाहाङ्फेसहित उनकै कार्यकक्षमा आज कांग्रेस प्रमुख सचेतक बालकृष्ण खाँण र नेकपा संसदीय दलका उपनेता सुवास नेम्वाङबीचको छलफलपछि यस्तो सहमति भएको हो ।