दाङ । सञ्चार उद्यमी देवीप्रसाद धिताल हेमराजका हत्यारालाई कारबाही गर्न ढिलाइ भएको भन्दै परिवारजन तथा दाङगालीहरुले  चिन्ता व्यक्त गरेका छन् । अज्ञात समूहले २०६७ साउन ६ गते उरहरीको हेमनगरमा गोली हानी हत्या गरेको थियो । 

नौ वर्ष बितिसक्दा समेत सञ्चार उद्यमी हत्या गर्ने व्यक्तीको पहिचान हुन नसक्नु प्रहरी प्रशासनको कार्य कुशलता प्रति आशंका बढाएको बताएका छन् । रेडियो तुलसीपुरका तत्कालीन अध्यक्ष रहेका हेमराजलाई उरहरी ६ हेमनगरमा उरहरीबाट तुलसीपुर घर तर्फ आउदै गरेको अवस्थामा गोली हानी हत्या गरिएको थियो । 

अहिलेसम्म हत्यारा व्यक्ति र समूहको पहिचान हुन नसकेकाप्रति परिवारले आक्रोस पोखेका छन । तत्कालीन डिआईजी किरण गौतमको संयोजकत्वमा गठित केन्द्रीय अनुसन्धान समितिले छानबिन गरे पनि प्रहरीले सफलता हासील गर्न नसक्नु दुर्भाग्य पुर्ण भएको भन्दै तत्काल अनुसन्धान प्रतिवेदन सार्वजनीक गर्न माग गरेका परिवारको छ । 

प्रहरीले पटक पटक अपराधिको नजीक पुगि सकेको आश्वासन दिएतापनि हाल सम्म अपेक्षा गरे अनुरुप अराधिलाई पक्राउ गर्न नसकेको भन्दै दाङगालीहरुले आक्रोशित छन । हेमराज हत्या काण्डको बारेमा प्रहरीले पटक-पटक हत्याराको नजिक पुगेको बताउने गरे पनि यथार्थ भने अझैसम्म सार्वजनिक गर्न सकेको छैन । यो सवालमा प्रहरीले अनुसन्धान जारी रहेको बताउँदै आएको छ ।

देबीप्रसाद धिताल हेमराज स्मृति प्रतिष्ठानले हत्यामा संलग्न व्यक्तिलाई पक्राउ गर्न दवाव स्वरुप आज एक कार्यक्रम गरेको छ । आयोजित कार्यक्रममा आफुहरुले अध्ययन गरिरहेको जिल्ला प्रहरी कार्यालय दाङका प्रहरी उपरीक्षक बेलबहादुर पाण्डेले बताए । उक्त घटनामा साक्षी कोही पनि नभएको र घटनाको अनुसन्धान गर्ने आधार भनेको आर्थिक कारोबार र शरिरमा रहेको बन्दुकको गोली नै त्यसको प्रमाण भएको भन्दै यसमा केही समयपछि अनुसन्धान गर्ने बताए । 

उक्त अनुसन्धानको फाईल पनि २०७४ साल माघमा हेडक्वाटरमा पुगिसकेको उनको भनाई छ ।  प्रमुख जिल्ल अधिकारी गोबिन्द रिजालले अनुसन्धान भईरहेको र पीडित पक्षले पनि पटक–पटक सम्बन्धित निकायलाई ध्यानाकर्षण गराई राख्नुपर्ने बताए ।