दाङ । प्रहरीले लागुऔषध खैरो हेरोइन (ब्राउन सुगर) सहित तीन जनालाई पक्राउ गरेको छ । बा १९ च ८८३३ नम्बरको हाइलेक्स गाडीमा नेपालगंजबाट दाङतर्फ आइरहेको गोप्य सूचनाका आधारमा उनीहरुलाई प्रकाउ गरेको हो ।

प्रहरीले जेठ १९ गते राति सुर्खेत जिल्ला विरेन्द्रनगर नगरपालिका-५ निवासी ३६ वर्षीय गाडी चालक लक्ष्मण सापकोटा, नेपालगञ्‍ज उपमहानगरपालिका-१५ निवासी ३२ वर्षीया गुड्डु कवडिया र सोही ठाउँ निवासी २४ वर्षकी रुक्सार कवडियालाई पक्राउ गरेको हो ।

प्रहरीले उनीहरुको साथवाट कालो प्लाष्टिकले बेरी सेतो प्लाष्टिकमा पोको पारेर राखेको लागुऔषध खैरो हेरोइन एक सय ८० ग्राम बरामद गरेको छ । साथै प्रहरीले उनीहरुको साथबाट नगद सात हजारसहित तीन थान मोबाइल र गाडी नियन्त्रणमा लिएको छ । 

पक्राउ परेकाहरुलाघ लागुऔषध ओसारपसार तथा बिक्री वितरण गरेको कसुरमा लागुऔषध (नियन्त्रण) ऐन २०३३ बमोजिम मुद्दा दर्ता गरेर अनुसन्धान भइरहेको प्रहरी नायब उपरीक्षक विनोदविक्रम शाहले जानकारी दिए ।