काठमाडौं । नेदरल्यान्ड्सको हेगस्थित अन्तर्राष्ट्रय आपराधिक न्यायालयका वकिलहरुले अमेरिकी सुरक्षा बलले २००३ तथा २००४ ताका अफगानिस्तानको गुप्त बन्दीगृहहरुमा युद्ध अपराध गरेको हुन सक्ने प्रारम्भिक आधार देखिएको बताएको समाचार संस्था रोयटर्सले जनाएको छ ।

एक रिपोर्टमा अमेरिकी सैन्य बलका सदस्यहरुले विभिन्न स्थानहरुका बन्दी गृहहरुमा पक्राउ गरेर राखिएका ६१ जना बन्दीलाई यातना दिएको र अमेरिकी गुप्तचर संस्था सिआईएले २७ बन्दीलाई यातना दिएको बताइएको छ । वकिलको कार्यालयले जनाएअनुसार उसले पूर्ण अनुसन्धान गर्ने वा नगर्ने बारे तत्काल निर्णय गर्ने बताएको छ ।