काठमाडौँ । घरेलु टोलि अष्ट्रेलियाविरुद्धको दोस्रो टेस्टको तेस्रो दिनसम्म दक्षिण अफ्रिकाले आफ्नो पकड कायम राखेको छ । वर्षाले दोस्रो दिनको खेल स्थगीत भएको होबर्ट टेस्टको तेस्रो दिनको समाप्तिसम्म अष्ट्रेलिया दोस्रो पारीमै १ सय २० रनले पछि परेको छ ।

होबर्टमा जारी टेस्टको दोस्रो दिन लगातार वर्षा भएपछि खेल सुरु नभई खेल स्थगीत भएको थियो । तर, तेस्रो दिन वर्षा रोकिएपछि खेल सुचारु भएको थियो । जसमा दक्षिण अफ्रिकालाई पहिलो पारीमा ३ सय २६ रनमा अलआउट गर्दै अष्ट्रेलियाले आफ्नो दोस्रो पारी थालेको छ । र, तेस्रो दिनको खेल सकिदा अष्ट्रेलियाले दोस्रो पारीमा २ विकेट गुमाएर १ सय २१ रन बनाएर खेलीरहेको छ ।

अष्ट्रेलियाका उस्मान ख्वाजा ५६ रनमा अविजित रहदा स्टेभेन स्मिथ पनि १८ रन बनाएर क्रिजमा छन् । पहिलो पारीमा ८५ रनमा अलआउट भएको अष्ट्रेलियाको दोस्रो पारीमा डेभिड वार्नर ४५ रनमा आउट भए भने जोय बुर्नस सुन्य रनमा पेभेलियन फर्किए । दक्षिण अफ्रिकाका क्ले अब्बोटले दुई विकेट लिए ।

बेल्लीरिभ ओभलमा जारी टेस्टमा दोस्रो दिनको खेल स्थगीत हुदासम्म दक्षिण अफ्रिकाले ८६ रनले अग्रता लिएको थियो । तेस्रो दिनको खेल सुरु हुदा दक्षिण अफ्रिकाले ५ विकेट गुमाएर १ सय ७१ रनबाट खेल थालेको थियो । तर, टेस्टको तेस्रो दिनमा दक्षिण अफ्रिकाले थप १ सय ५५ रन जोड्दा अलआउट भयो । 

पहिलो पारीमा दक्षिण अफ्रिकाका क्विन्टन डी ककले १ सय ४ रनको अर्धसतकिय पारी खेले । टेम्बा भाबुमाले ७५ रन बनाए । यस्तै उसका हसिम अमला ४७, भेर्नोन फिलाण्डर ३२  तथा स्टेफेन ककले २३ रन जोडे । अष्ट्रेलियाका जोस हाजेलवुडले ६ तथा मिथेल स्टार्कले ३ विकेट लिए ।

यसअघि टस हारेर पहिले ब्याटिङ गरेको अष्ट्रेलियाले पहिलो पारीमा खराब प्रदर्शन गर्दै मात्र ३२ ओभर ५ बलमा ८५ रनमा अलआउट भएको थियो । अष्ट्रेलियाका स्टेभेन स्मिथले ४८ र जोय मेनीले १० रन बनाउनुबाहेक अष्ट्रेलियाका कुनैपनि ब्याट्सम्यानले दोहोरो अंकमा रन जोड्न सकेनन् । 

अष्ट्रेलियाको पहिलो पारी ध्वस्त बनाउने क्रममा दक्षिण अफ्रिकाका भेर्नोन फिलाण्डरले ५ तथा कायल एबोटले ३ विकेट लिए ।