काठमाडौं । अर्पण गेलाललाई अरुभन्दा पृथक बन्नु थियो, अरुभन्दा सबल र सक्षम बन्नुथियो । उनलाई ‘ज्याक अफ अल’ बन्नु थिएन, न त उनलाई ‘मास्टर अफ वन’ बन्नु थियो । उनी ‘मास्टर अफ अल’ (सबै विषयको ज्ञानमा निपुर्ण) बन्न चाहन्थे ।

गेलाल तिनै हुन्, जसले सन् २०१७ मा काठमाडौं विश्वविद्यालयबाट गोल्ड मेडल प्राप्त गरेका थिए । गेलाल (२५) विज्ञान संकायमा प्लस टु उत्तीर्ण गरेपछि बहुआयामिक र अन्तरक्रियात्मक स्नातक विषयको खोजीमा थिए । उनी सोच्थे– मैले पढ्ने विषय अरुभन्दा फरक होस् । अरुभन्दा प्रतिस्पर्धी होस् । यस्तो विषय होस्, कसैले त्यसको नाम सुन्नेबित्तिकै ‘वाह ! राम्रो विषय पढेछौ । भविष्यमा राम्रो प्रगति गर्छौ तिमीले ।’

विशिष्ट श्रेणीमा एलएसी पास गरेपछि उनले साइन्स पढेर डाक्टर र इन्जिनियर बन्ने सपना नदेखेका पनि हैनन् । तर, प्लस टु पढ्ने क्रममा जीवनले उनलाई यस्तो बाटोमा डोर्यायो कि उनले ध्येय राखे, ‘इन्जीनियर बन्छु त समुन्नत समाज निर्माण गर्ने, डाक्टर बन्छु त समाजका विसंगति चिरफार गर्ने ।’ प्लस टुको परीक्षा सकिनेवित्तीकै उनी त्यस्तो कलेजको खोजीमा लागे । 
०००
कसैले उनलाई नेसनल कलेजको बारेमा सुनाइदियो । उनले चाहेजस्तो समाज अध्ययन गर्ने, विकासका आर्थिक, सामाजिक र वातावरणीय पक्ष दिगो विकासको अवधारणासँग जोडेर उजागर गर्ने विषय भेट्टाए ।

उनी सम्झन्छन्, “नेसनल कलेजमा मैले खोजेको वातावरण पाएँ । मैले रिसर्च गर्न सिकें, हरेक सेमेस्टरमा कक्षामा पढेको कुरा स्थलगत अध्ययन गर्न पाएँ । सिकेका कुरा व्यवहारमा उतार्न पाएँ । सेमेस्टर प्रणाली, ग्रेडिङ सिस्टम, पारिवारिक वातावरण मेरा लागि टपर बन्ने आधार बन्यो । पहिलो सेमेस्टर उत्कृष्ट नतिजा ल्याउन नसके पनि मैले त्यो सेमेस्टरलाई फर्केर हेर्नु परेन । मिहिनेत गर्दै गएँ, लक्ष्य नजिक बन्दै गयो ।”
०००

नेसनल कलेजबाट ग्राजुएट गरेपछि गेलालले फर्केर हेर्नुपरेन । उनी भन्छन्, “कलेज पास गरेपछि मलाई अफरहरु आइरहे । वैदेशिक अध्ययनका लागि पनि छात्रवृत्ति प्राप्त गरेको छु । कलेज पढेकै कारण थुप्रै अवसर मिलेका छन् । कलेजले अफर गर्ने विषयको सबैतिर प्रशंसा गरिने रहेछ ।” कजेलले खेल, वक्तृत्वकला तथा विभिन्न गतिविधिमा रुची भएका विद्यार्थीलाई विशेष प्रोत्साहन गरेको उनी बताउँछन् । 

गेलाल काठमाडौं विश्वविद्यालयबाट गोल्ड मेडल प्राप्त गर्ने एक्ला विद्यार्थी हैनन् । यसअघि नेसनल कजेजकै छात्र गोपाल त्रितालले पनि उस्तै सफलता हासिल गरिसकेका छन् ।
नेसनल कलेजले विगत २ दशकदेखि काठमाडौं विश्वविद्यालयको सम्बन्धनमा ३ वटा विषय अध्यापन गराउँदै आएको छ । नियमित रुपमा आयोजना हुने विभिन्न सेमिनार, कार्यशाला गोष्ठी र अन्र्तक्रियात्मक कार्यक्रमसँगै सामाजिक चासोका विभिन्न विषयका कार्यक्रम कलेजका आकर्षणका केन्द्र हुन् ।

कलेजले प्रदान गर्ने सामूहिक छलफल, स्थलगत अवलोकन र इन्टर्नसिपलगायतका क्रियाकलापले विद्यार्थीलाई जीवनोपयोगी शिप र व्यक्तित्व विकासका लागि ठूलो अवसर प्रदान गर्ने कलेज बताउँछ । नेसनलका पढ्जे विद्यार्थीहरुले जापान, अमेरिका, चीन, बंगलादेश, थाईल्यान्ड, फिलिपिन्ससहित अन्य मुलुकका विश्वविद्यालय एवम् संस्थासँगको एक्स्चेन्ज प्रोग्राममार्फत् अन्र्तराष्ट्रिय ज्ञान, अनुभव पनि हासिल गर्ने अवसर पाउने कलेजले जानकारी दिएको छ । 

नेसनल कलेजमा ब्याचलर इन डेभलपमेन्ट स्टडिज, ब्याचलर इन डेभलपमेन्ट फाइनान्स, ब्याचर इन सोसल साइन्सेसको अध्यापन हुन्छ । 

डेभलपमेन्ट स्टडिज कार्यक्रम आर्थिक, सामाजिक तथा वातावरणीय दिगो विकास अध्ययन हुने कार्यक्रम हो । यसबाट उत्तीर्ण हुने विद्यार्थीहरु विकाससँंग सम्वन्धित विकास आयोजना, आर्थिक तथा सामाजिक अनुसन्धान, नीति निर्माणमा काम गर्ने सरकारी, गैर–सरकारी तथा निजी संस्थामा कार्यरत छन् । कलेजले यस्तै क्षेत्रमा काम गर्न निपुर्ण बनाउने शिप प्रदान गर्ने गरेको छ ।

त्यस्तै, ब्याचलर इन डेभलपमेन्ट फाइनान्स कार्यक्रमा वित्तीय तथा व्यापार, आर्थिक विकास र स्वउद्यम विकासका लागि तयार गरिएको शैक्षिक कार्यक्रम हो । यसबाट उत्तीर्ण हुने विद्यार्थीहरु बैंक, इन्सुरेन्स कम्पनी, लघुवित्त, सहकारी, जलविद्युत, पूर्वाधार तथा विकास निर्माणमा काम गर्ने संस्थामा कार्यरत छन् । यस कार्यक्रमले यस्तै क्षेत्रमा काम गर्न निपुर्ण बनाउने सिप प्रदान गर्ने गरेको छ ।

ब्याचलर इन सोसियल साइन्सेस कार्यक्रम सामाजिक विज्ञान, समाज र सामाजिक परिर्वतनका गतिशिलताको विषयवस्तुमा आधारित कार्यक्रम हो । यस कार्यक्रमबाट उत्तीर्ण हुने विद्यार्थीहरु राज्यको नीति निर्माण तथा सुशासन सम्बन्धी कार्य, सामाजिक संस्था, अनुसन्धानमा आधारित संस्था र संचार–गृह एवम् राजनीतिक मूलधारमा कार्यरत संस्थामा कार्यरत छन् ।