दाङ । दाङको बंगलाचुलीमा भएको ट्रयाक्टर दुर्घटनामा चालकको मृत्यु भएको छ । दुर्घटनामा बंगलाचुली गाउँपालिका वडा नं ४ फाँटा निवासी ३० बर्षीय थर्कमान घर्तीको घटनास्थलमै मृत्यु भएको ईलाका प्रहरी कार्यालय कमिरेचौरका प्रमुख प्रहरी प्रहरी नायव निरीक्षक बुद्धिप्रशाद राणाले जानकारी दिएका छन् । स्थानिय फाँटा भन्ने ठाउँदेखि फुरुङ क्षेत्रतर्फ जाँदै गरेको रा १ त २६४९ नम्वरको ट्रयाक्टर दुर्घटना हुँदा घर्तीको घटनास्थलमै मृत्यु भएको प्रहरी नायव निरीक्षक राणाले बताए ।
ट्रली विनाको उक्त ट्रयाक्टर उकालोमा ब्याक भएपछि ब्रेक फेल भएर दुर्घटनामा परेको प्रहरीले बताएको छ । ट्रयाक्टर झन्डै २० मिटर तल खोल्सामा खसेको छ । घर्तीको शव पोष्टमर्टमको लागि राप्ती उपक्षेत्रीय अस्पताल घोराहीमा रिखएको छ ।