काठमाडौँ । ठमेल र दरबारमार्ग क्षेत्रमा गुण्डागर्दीमा संलग्न एकजनालाई पक्राउ परेका छन् । महानगरीय प्रहरी परिसर काठमाडौंको टोलीले डरत्रास देखाई रकम असुल्दै हिँड्ने विमल लुङ्गेलीमगरलाई मंगलबार पक्राउ गरेको हो ।
परिसरका डिएसपी मोहन थापाका अनुसार लुङ्गेलीमगरले ठमेल, दरबारमार्गलगायतका क्षेत्रका होटल, रेष्टुराँ, डिस्कोका सञ्चालकलाई धम्क्याउँदै आएका थिए । पक्राउ परेका मगरलाई सार्वजनिक मुद्दामा म्याद थप गरेर अनुसन्धान भइरहेको प्रहरीले जनाएको छ ।