काठमाडौं । बर्षा साउद र रोहित राईले प्रथम एपीएफ अन्तर्राष्ट्रिय सोतो कराँते प्रतियोगितामा स्वर्ण जितेका छन् । हल्चोकस्थित एपीएफको कभर्डहलमा शुक्रबार भएको महिला एकल कातामा एपीएफ बीकी बर्षाले प्रदेश १ की रोश्ना राईलाई ४–१ को अन्तरमा हराईन् । महिला एकल कातामा त्रिभुवन आर्मी क्लबकी संगिता मगर र प्रदेश ५ की रश्मी पाण्डे संयुक्त रुपमा तेस्रो भए ।
पुरुष एकल काताको उपाधि भिड्न्तमा प्रदेश १ का रोहितले एपीएफका गुगिराम घलेलाई ३–२ को आधारमा हराउदै स्वर्ण हात पारे । पुरुष एकल कातामा आर्मीका डम्बर आलेमगर र प्रदेश ४ का शेरवहादुर धानुक सयुक्त रुपमा तेस्रो भए ।
काताको महिला तथा पुरुष दुवै स्पर्धामा आर्मी क्लबले स्वर्ण जितेका छन् । आर्मीले महिला तथा पुरुष दुबै तर्फको उपाधि भिड्न्तमा प्रदेश ४ लाई हराउदै स्वर्ण जितेको हो । महिलातर्फ प्रदेश ६ र प्रदेश १ ले तेस्रो स्थान हात पार्दा पुरुषतर्फ प्रदेश १ र प्रदेश ५ ले कास्य जिते ।
महिला कुमुतेको ४५ केजी तौल समूहमा आर्मीकी कुसुम खड्का,एपीएफ बी की बर्षा बुढामगर र भुटानकी दिपा तामाङले सेमिफाईनलमा स्थान सुरक्षित बनाएका छन् । पुरुष कुमुतेको ६७ केजी तौल समूहमा एपीएफ बी का नबिन रसाईली सेमिफाईनलमा स्थान सुरक्षित गरेका छन् । उनले क्वाटर फाईनलमा प्रदेश १ का रुरिहाङ राईलाई ९–८ अंकको आधारमा हराएका थिए । नबिन एसियाडमा छनोट भएका खेलाडी हुन् ।
सशत्र प्रहरी बलको एपीएफ क्लब र नेसनल सोतो कराँते डो एशोसियसनको आयोजनामा जारी प्रतियोगितामा भारत,पाकिस्तान,बंगलादेश,श्रीलंका,भुटान,जापान र नेपालका सात प्रदेश त्रिभुवन आर्मी र एपीएफका दुई टिमले सहभागिता जनाएका छन् ।
प्रतियोगितामा महिलातर्फ ८ स्वर्ण तथा पुरुषतर्फ ९ स्वर्णका लागि प्रतिस्पर्धा हुनेछ । प्रत्येक स्पर्धाका स्वर्ण बिजेताले नगद १० हजार,रजत बिजेताले ५ हजार र कास्य बिजेताले ३ हजार प्राप्त गर्ने आयोजक संघका महासचिव फडिन्द्र ओझाले जानकारी गराएका छन् ।