साहित्य र कला

सिंगल थिएटर मल्टिप्लेक्समा रुपान्तरण !

सिंगल थिएटर मल्टिप्लेक्समा रुपान्तरण !

काठामाडौं । केही सिंगल थिएटर मल्टिप्लेक्समा रुपान्तरण भएका छन् । काठमाडौंसहित बाहिरका केही यसअघि सिंगल थिएटरका रुपमा रहेका चलचित्र घरलाई मल्टिप्लेक्समा रुपान्तरण गरिएको हो । 
चलचित्र निर्माता संघ र चलचित्र संघबीच  काठमाडौं उपत्यकाभित्रका गोपीकृष्ण, गुण, र अष्टनारायण हललाई मल्टिप्लेक्सको मान्यता दिने सहमति भएको हो । 

गोपीकृष्ण मुभिजको गोपी हल र ‘कृष्ण’ हल, अष्टनारायणको ‘क’ र ‘ख’ हल, गुण सिनेमाको ‘क’, ‘ख’ र ‘च’ हल तथा बाराही मुभिजको ‘क’ हललाई मल्टिप्लेक्स सरहको मान्यता दिइएको हो । 

काठमाडौं उपत्यका बाहिर पोखराको श्रीकृष्ण, बाराहीको ‘क’ र ‘ख’ हललार्ई मल्टिप्लेक्सको मान्यता दिइएको हो । यी हलले अब निर्मातालाई सेयर बुझाउँदा मल्टिप्लेक्स सरहको सेयर रकम बुझउनु पर्ने चलचित्र निर्माता संघका अध्यक्ष आकाश अधिकारीले जानकारी दिए ।  

मल्टिपेल्क्सको मान्यता पाएका यी हलले पनि अब पहिलो साता निर्माता र प्रदर्शकले ग्रस कलेक्सनको ५०/५० प्रतिशत, दोस्रो सातामा निर्माताले ग्रस कलेक्सनको ४५ र प्रदर्शकले ५५ प्रतिशत, तेस्रो सातामा निर्माताले ४० र प्रदर्शकले ६० प्रतिशत सेयर पाउने छन् भने चौथो हप्तादेखि निर्माताले ३५ प्रतिशत र प्रदर्शकले ६५ प्रतिशत सेयर पाउने छन् । 
तस्बिरः गुगलबाट

तपाईंको मत