घटना क्रम

प्रधानमन्त्री मोदीविरुद्ध राष्ट्रपतिलाई मनमोहन सिंहको गुनासोसहितको पत्र

प्रधानमन्त्री मोदीविरुद्ध राष्ट्रपतिलाई मनमोहन सिंहको गुनासोसहितको पत्र

बीबीसी । “कांग्रेसका नेता कान खोलेर सुन । यदि सीमा पार गरे यो मोदी हो । लिनुको दिनुपर्ला....’’

कर्नाटकको हुबलीमा ६ मे का दिन दिइएको प्रधानमन्त्री नरेन्द्र मोदीको यो भाषणलाई लिएर कांग्रेसले उनीमाथि अभद्र भाषा प्रयोग गरेको आरोप लगाएको छ । 

यसैबीच कांग्रेसका तर्फबाट पूर्वप्रधानमन्त्री मनमोहन सिंहले राष्ट्रपति रामनाथ कोविन्दलाई पत्र लेखेर मोदीविरुद्ध कडा शब्दमा गुनासो गरेका छन् । 

मोदीले प्रधानमन्त्री पदको मर्यादा नाघेको कांग्रेसको भनाई छ । कांग्रेसको उक्त पत्रमा मनमोहन सिंहसँगै पार्टीका अन्य वरिष्ठ नेताहरुले पनि हस्ताक्षर गरेका छन् । 
कांग्रेसको पत्रमा उल्लेख सात कुरा 

१– भारतका प्रधानमन्त्रीलाई भारतको संविधानतह एक विशेष स्थान प्राप्त छ । उनले संघीय क्याबिनेटको नेतृत्व गर्दछन् । संघको कार्यपालिका उनलाई रिपोर्ट गर्दछ भने आदेश पनि लिन्छ । 
२– प्रधानमन्त्रीको कार्यालयको कार्यभार सम्हाल्दा उनले यो पदको शपथ लिनु पर्दछ । अतीतमा सबै प्रधानमन्त्रीहरुले सार्वजनिक र निजी कामकाजमा यसको मर्यादा राखेका छन् । 

३– हाम्रो लोकतान्त्रिक राजव्यवस्थामा प्रधानमन्त्रीले सरकार प्रमुखको हैसियतमा धम्काउने र उक्साउने शब्दहरुको प्रयोगको कल्पनासम्म गर्न सकिदैन । प्रमुख विपक्षी पार्टी भारतीय राष्ट्रिय कांग्रेसका नेताहरुलाई सार्वजनिक रूपले चेतावनी दिने कुरा पनि कल्पना गर्न सकिदैन । 

४– कांग्रेस नेतृत्वलाई दिइएको प्रधानमन्त्रीको धम्की निन्दनीय छ । १.३ अर्ब जनसंख्या भएको संवैधानिक र लोकतान्त्रिक सरकार भएको देशमा यो प्रधानमन्त्रीको भाषा हुनै सक्दैन । यस्तो भाषा चाहे उनले सार्वजनिक रुपमा गरुन् अथवा निजी रूपमा, यो स्वीकार गर्न लायक छैन् ।

५– जुन शब्द प्रयोग गरिएको छ, त्यो धम्काउने र उक्साउने वाला छन् । यसको उदेश्य अपमानित गर्नु र माहौल बिगार्नका लागि उक्साउनु हो । 

६– कांग्रेस यो देशको सबैभन्दा पुरानो पार्टी हो । उसले कयौं चुनौतीहरुको सामना गरेको छ । कांग्रेस नेतृत्वले यस्ता चुनौतीहरु र खतराहरुको सामना गर्न सधै नै साहस र निडरता देखाएको छ । हामी यो भन्न चाहन्छौं कि न हाम्रो पार्टी न हाम्रा नेता यस्ता धम्कीका सामु झुक्ने छन् । 

७– कि प्रधानमन्त्री र उनको मन्त्रिपरिषद्लाई सल्लाह र मार्गदर्शन दिनु भारत संघको प्रमुखको हैसियतले भारतका राष्ट्रपतिको यो ठूलो जिम्मेवारी हो । चुनाव प्रचारमा नै किन नहोस् प्रधानमन्त्रीबाट यस्तो धम्कीपूर्ण भाषाको अपेक्ष ागर्न नसकिने हामी स्पष्ट पार्न चाहन्छौं । 
https://www.bbc.com/hindi/india-44108320

तपाईंको मत