बीबीसी । भारतको जोधपुर अदालतले कृष्णसार शिकार मामिलामा बलिउडका सुपरस्टार सलमान खÞानलाई दोषी ठहर गर्दै पाँचवर्षको जेल सजाय सुनाएको छ । सलमान खानले तोकिएको सजायअनुसार पाँचवर्ष जेलमा कटाउनुपरे बलिउड फिल्म इन्डष्ट्रिजलाई करोडौं रुपैयाँ बराबरको नोक्सान ब्यहोर्नुपर्नेछ ।
सन् १९९९ मा प्रदर्शित फिल्म ‘हम साथ साथ हैं’ को छायांकनका दौरान कृष्णसार मारेको आरोपमा सलमान खानलाई दोषी ठहर गरिएको हो ।
बलिउड सुपरस्टार सलमान खÞानमा बलिउडको झन्डै चार करोड रुपैयाँ दाउ लागेको छ ।
१५० करोडको फिल्म रेस–३
अहिले सलमान खानको आगामी फिÞल्म ‘रेस ३’ को छायांकन चलिरहेको छ । सलमान खÞानको मुख्य भूमिका रहेको यो फिल्मको कुल बजेट १५० करोड़ रुपैयाँ रहेको छ । यो फिल्मको छायांकन सम्पन्न भएको छैन । सलमान खÞानलाई सजÞाय भए यो प्रोजेक्ट अधुरो रहन सक्छ । जसका कारण निर्माताको मोटो रकम फस्ने निश्चित छ ।
दबंग–३ को बजेट १०० करोड
‘दबंग’ सिरीजको तेस्रो भाग ‘दबंग ३’ को छायांकन चाँडै नै शुरु हुने भएको छ । यो फिल्मका दुवै भागमा सलमान खÞान र सोनाक्षी सिन्हाले अभिनय गरेका थिए । तेस्रो भागमा पनि सलमान खÞान देखिने निश्चितप्रायः थियो । यस फिल्मको बजेट झन्डै १०० करोड रहेको छ ।
कयौं फिल्मको प्री–प्रोडक्शन
फिल्म ट्रेड समीक्षक अमोद मेहराले ‘रेस ३’ बाहेक लिमान खानका बाँकी फिल्महरु ‘दबंग ३’, ‘किक २’ र ‘भारत’ मा कुनै पनि फिल्मको छायांकन सुरु नभएको बताएका छन् ।
तर फिल्म शुरू हुनु अगावै प्री–प्रोडक्शनको काम भने शुरू भइसकेको छ । जसमा कम्तीमा पनि एक सय करोड रुपैयाँ लगानी भइसकेको छ ।
टीभी शो पनि दाउमा
सलमान खÞानका फिल्ममात्रै नभएर उनको टेलिभिजन रियालिटी शो पनि दाउमा लागेको छ । उनी १० वर्षपछि फेरि ‘दस का दम’ ल्याएर टेलिभिजनमा कमब्याक हुने तयारीमा थिए । यो गेम शोको प्रोमो पनि सार्वजनिक भइसकेको छ । छिट्टै प्रदर्शनमा आउने भनिएको यो शो मा सलमान खान प्रस्तोताका रुपमा देखिने बताइएको थियो ।
यसका साथै सलमान खÞान टीभी शो बिग बोसमा प्रस्तोताको भूमिका निभाउँदै आएका थिए । यद्यपि यो शो को सीजन–१२ का लागि प्री–प्रोडक्शनको घोषणा भने भइसकेको छैन ।