काठमाडौं । लक्ष्मी बैंकले “लक्षित मुद्दति–रिकरिङ्ग डिपोजिट’मा दिँदै आएको ब्याजदर बढाई १० प्रतिशत ब्याज प्रदान गर्ने भएको छ । लक्ष्मी बैंकको लक्षित मुद्दति खाता जिम्मेवार व्यक्तिहरुलाई लक्षित गरी ल्याइएको बचत योजना हो । 

यो “लक्षित मुद्दति” डिपोजिटमा ग्राहकले न्यूनतम ५०० रुपैयाँ जम्मा गर्न सक्नेछन् । ग्राहकले जम्मा गर्ने रकम सुनिश्चित गरिसकेपछि रकम हरेक महिना स्वतः लक्षित मुद्दति खातामा जम्मा हुने गर्दछ । १ वर्षदेखि ५ वर्षसम्मको समयावधि निर्धारण गरी खाता खोल्न सकिने बैंकले जनाएको छ ।

यस योजनामा ग्राहकले ब्याज आफ्नो बचत परिपक्व भएको अवस्था वा त्रैमासिक रुपमा खातामा जम्मा गर्ने विकल्पमध्ये एक विकल्पलाई छनोट गर्न सक्नेछन् ।
साथै लक्षित मुद्दति खाता खोल्ने ग्राहकहरुले लक्ष्मी बैंकको आधिकारिक भगिनी संस्था लक्ष्मी क्यपिटलमा निःशुल्क डिम्याट खाताको सुविधा प्राप्त गर्न सक्ने बताइएको छ । लक्ष्मी बैंकका नेपालभरका ७८ शाखाहरुबाट यो खाता खोल्न सकिनेछ ।