देश

शान्तिसुरक्षामा कुनै सम्झौता हुँदैन : गृहमन्त्री शर्मा

काठमाडौं । गृहमन्त्री जनार्दन शर्माले जनताको शान्ति सुरक्षामा सरकारले कुनै पनि सम्झौता नगर्ने दावी गरेका छन् । शुक्रवार प्रहरी प्रधान कार्यालयमा ६२औं प्रहरी दिवसको अवसरमा आयोजित कार्यक्रममा गृहमन्त्री शर्माले प्रहरी सधैं जनताको सुरक्षामा खटिने भएकाले शान्ति सुरक्षामा कुनै खालका पनि सम्झौता नहुने बताए । 

गृहमन्त्री शर्माले भने, “प्रहरीको सुरक्षामा जनताको बाँच्न पाउने अधिकार गाँसिएकाले कुनै पनि विषयमा सम्झौता हुँदैन ।” प्रहरी संगठन ऐन, नियम र प्रणाली अनुसार सञ्चालन हुनुपर्ने भएकाले कसैले संगठनलाई व्यक्तिगत दबाबमा चलाउन खोज्न नहुने मन्त्री शर्माले बताए ।

प्रहरी संगठन राजनीतिमुक्त संगठन हुनुपर्ने उनको भनाइ छ । कार्यक्रममा यस वर्ष विरगति प्राप्त गरेका २५ जना वीर प्रहरीका परिवारलाई सम्मान तथा कदरपत्र प्रदान गरिएको थियो ।
 

तपाईंको मत