काठमाडौं । फोटोपत्रकार पूर्णिमा श्रेष्ठले मनासलु हिमाल सफलतापूर्वक आरोहण गरेकी छन् । मंगलबार बिहान उनी मनासलु शिखरमा पुगेकी हुन् । 

मनासलु बेसक्याम्पमा रहेका एसिया भोयज नामक एक्सपिडिसन कम्पनीका व्यवस्थापक तेम्बा छिरि शेर्पाका अनुसार फोटोपत्रकार श्रेष्ठ भोलि (बुधबार) बेस क्याम्प आइपुग्नेछिन् । 

यो सिजनको मनासलु आरोहण सेप्टेम्बर १८ बाट सुरु भएको हो । पर्यटन विभागले भने हालसम्म कतिजनाले मनासलु आरोहण गरे भन्ने जानकारी आइनसकेको बताएको छ । गोरखा जिल्लामा पर्ने मनासलु ८ हजार १६३ मिटर अग्लो छ ।