एजेन्सी । इङ्ल्यान्ड-पाकिस्तानबीचको तेस्रो टेस्ट आजबाट सुरु हुँदै छ । खेल साउथ ह्‍याम्पटनस्थित रोज बउलमा नेपाली समयअनुसार दिउँसो ३:४५ बजे सुरु हुनेछ । 

सिरिजको अन्तिम टेस्ट खेल दुबै टोलीका लागि निकै महत्त्वपूर्ण छ । पहिलो टेस्टमा जित निकालेको इङ्ल्यान्ड सिरिज गुमाउन चाहँदैन् । सिरिजका लागि इङ्ल्यान्डले अन्तिम टेस्ट जित्नै पर्ने हुन्छ । 

तर सबै खेलाडीसँग खराब मौसमका कारण खेल पूरा हुने वा नहुनेमा ठूलो अन्योल छ । 

यता पाकिस्तान पनि अन्तिम टेस्ट खेल जित्दै सिरिज बराबरी गर्न चाहन्छ । पहिलो खेल पाकिस्तानले गुमाउँदा दोस्रो टेस्ट बराबरीमा रोकिएको थियो । वर्षा र खराब लाइटका कारण दोस्रो टेस्टको डेढ दिनको पूरै खेल स्थगित भएको थियो । दुवै टोलीले टेस्टको दोस्रो पारी खेल्न नसकेपछि खेल बराबरीमा सकिएको थियो । 

पछिल्ला पाँच खेलको नतिजा हेर्दा दुवै टोलीको दबाब समान छ । पछिल्ला पाँच खेलमा दुई खेल पाकिस्तानले जित्दा दुई खेल इङ्ल्यान्डले जितेको छ । एक खेल भने बराबरीमा सकिएको छ ।