एजेन्सी । कोरोना भाइरस संक्रमणपश्चात् अभिनेता अमिताभ र उनका छोरा अभिषेक बच्चन मुम्बईस्थित नानावटी अस्पतालमा भर्ना भएका छन् । आफूमा कोरोना संक्रमण भएको जानकारी अमिताभ र अभिषेकले ट्विट गर्दै दिएका थिए । 

यसैबीच अमिताभले इन्टग्राममा राखेको एक भिडियो अहिले सामाजिक सञ्जालमा भाइरल भइरहेको छ । भिडियोमा अमिताभले टाउकोमा सेतो फेटा बाँधेका छन् । भिडियोमा अमिताभले हामी चाँडै यो समयबाट पार हुने भन्दै नानावटी अस्पतालका डाक्टरलाई भगवान्‌को संज्ञासहित धन्यवाद दिएका छन् ।

साथै उनले निराश नभई आशावादी भएर अघिबढ्न पनि सुझाएका छन् । अमिताभको सकारात्मक शब्दले भरिएको उक्त भिडियो उनका दर्शकले निकै रुचाएका छन् । उनको यो भिडियो बाहिरएसँगै दर्शकमा यो उनको पछिल्लो समयको भिडियो हो कि भन्ने आशंका देखिएको छ । 

नवभारत टाइम्सका अनुसार अहिले भाइरल भएको अमिताभको भिडियो हालसालैको नभएको उल्लेख गरेको छ । नानावटी अस्पतालका अनुसार अमिताभ र अभिषेकको स्वास्थ्य अवस्था सामान्य रहेको छ ।  (नवभारत टाइम्स)