एजेन्सी । जर्मन बुन्डेसलिगामा दोस्रो स्थानको बोरुसिया डर्टमन्ड पराजित भएको छ । बुधबार राति भएको खेलमा डर्टमन्ड माइन्जसँग २-० गोलले पराजित भएको हो ।

घरेलु टोलि डर्टमन्डलाई पराजित गर्न माइन्जका लागि जोनाथन बुर्कार्ड र जेकन फिलिप्पे मटेटाले एक एक गोल गरे । 

खेलको ३३ औं मिनेटमा बुर्कार्डले गोल गर्दै पहुना टोलिलाई अग्रता दिलाएका थिए । उनले बोटे बाकुको पासमा गोल गर्दै माइन्जलाई पहिलो हाफमा १-० को अग्रता दिलाए । 

दोस्रो हाफमा थप एक गोल गर्ने क्रममा माइन्जका लागि मटेटाले गोल गरे । उनले पेनाल्टीमा गोल गर्दै अग्रता दोब्बर परेका हुन् । दोस्रो हाफ सुरु भएको चार मिनेट नबित्दै पाएको पेनाल्टी अवसरलाई मटेटाले गोलमा परिणत गरे । 

यस जितसँगै माइन्जले ३२ खेलबाट ३४ अंक जोड्दै १५ औँ स्थानमा छ । पराजित डर्टमन्ड भने समान खेलबाट ६६ अंकसहित दोस्रो स्थानमा छ