काठमाडौं । ब्राजिलमा कोरोना संक्रमणका कारण मृत्यु हुनेको संख्या ३० हजार नाघेको छ । आज विहानसम्म ब्राजिलमा कोरोनाले ३० हजार ४६ को मृत्यु भएको हो । 

पछिल्लो २४ घण्टामा ब्राजिलमा विश्वमै सबैभन्दा धेरै ७३२ जनाको मृत्यु भएको छ । सोही अवधीमा ब्राजिलमा १४ हजार १६९ कोरोना संक्रमित थपिएका छन् । यो सँगै ब्राजिलमा कोरोना संक्रमितको संख्या ५ लाख २९ हजार १८ पुगेको छ । 

२ लाख ११ हजार ८० संक्रमित निको भइसकेका छन् । २ लाख ८७ हजार ८९२ जनाको उपचार भइरहेको छ । जसमध्ये ८ हजार ३१८ संक्रमितको स्वास्थ्य अवस्था गम्भीर रहेको छ । 

ब्राजिल पछिल्लो समय विश्वमै सबैभन्दा द्रुत गतिमा कोरोना संक्रमण फैलिरहेको देश हो ।