काठमाडौं । टोखा नगरपालिका–६ स्थित धापासीको शिव मन्दिर हाइटस्थित एक घरमा आगलागी भएको छ । भाइकाजी श्रेष्ठको साढे तीन तलाको घरमा आज साँझ ५ बजेतिर आगलागी भएको हो ।

आगलागीबाट घर पूर्णरूपमा जलेर नष्ट भएको टोखा–६ का वडाध्यक्ष शान्ता पौडेलले जानकारी दिए ।

उनका अनुसार, आज साँझ ५ बजेको समयमा ग्यास लिक हुँदा आगलागी भएको थियो । ठूलो कम्पाउन्डमा घर भएको कारण अन्य घरमा भने क्षति नपुगेको वडाध्यक्ष पौडेलले बताए ।

आगलागी नियन्त्रणका लागि काठमाडौं, भक्तपुर र ललितपुरको दमकल प्रयोग गरिएको थियो । आगलागीबाट भएको क्षतिको विवरण भने आइसकेको छैन । रासस