एजेन्सी । अमेरिकी राष्ट्रपति डोनाल्ड ट्रम्पले विश्व स्वास्थ्य संगठन (डब्लूएचओ) को व्यवहार पक्षपातपूर्ण भएको आरोप लगाउँदै आर्थिक सहयोग रोक्ने चेतावनी दिएका थिए ।
कोरोना भाइरस संक्रमणबारे डब्लूएचओले कैयौं गल्ती गरेको पनि उनको आरोप थियो । बिरामीबारे समयमै डब्लूएचओले चेतावनी जारी नगरेको पनि आरोप लगाएका थिए ।
अब अमेरिकाले डब्लूएचओले गर्नुपर्ने काम–कर्तव्यबारे समीक्षा गर्ने भएको छ । यूएस एजेन्सी फर इन्टरनेसनल डेभलपमेन्ट (यूएसएआईडी) का प्रशासक जोन बारसाले बुधबार यूएसएआईडी विदेश सहायताको प्रबन्धन गर्ने अमेरिकाको प्रमुख एजेन्सी भएको घोषणा गरे ।
न्युज एजेन्सी रोयटर्सको समाचारअनुसार वासिङ्टन यतिबेला विश्व स्वास्थ्य संगठनको वैकल्पिक सहयोगीको खोजीमा लाग्ने भएको छ । खोप र अन्य महत्त्वपूर्ण कार्यमा रोकावट आउन नदिन अमेरिकाले वैकल्पिक सहयोगीको खोजी गरिरहेको समाचारमा उल्लेख गरिएको बीबीसीले जनाएको छ ।