काठमाडौं । मदन भण्डारी स्मृति ठमेल रोड रेस च्याम्पियनसिप फागुन तेस्रो साताबाट सुरु हुने भएको छ ।

आयोजक रन क्लब र मदन भण्डारी स्पोर्ट्स एकेडेमीले बिहीबार पत्रकार सम्मेलन गर्दै प्रतियोगिता फागुन २४ गते आयोजना हुने भएको जनाएको हो ।

प्रतियोगितामा स्वदेशी तथा विदेशी गरी १५ सय खेलाडीको सहभागिता रहने आयोजक क्लबका अध्यक्ष सन्तोष श्रेष्ठले जानकारी गराए ।

रहने रोड रेसमा महिलारपुरुष ५ कि.मि. खुला , छात्र र छात्रा ५ कि.मि. र महिला तथा पुरुष भेट्रान्स ५ मि.मि. दौड समावेश गरिएको छ ।

महिला र पुरुष खुलातर्फको विजेताले २५ हजार, उपविजेताले १२ र तेस्रोले ८ हजार पाउनेछन् । छात्रछात्राको विजेताले १५ हजार, उपविजेताले ८ हजार र तेस्रोले ५ हजार पाउनेछन् । भेट्रान्सको विजेताले १० हजार, उपविजेताले ५ र तेस्रोले ३ हजार पाउनेछन् ।

लैनचौरस्थित टेबल टेनिस प्रशिक्षण केन्द्रअगाडिको फुटबल मैदानबाट सुरु हुने रेस बिहान ७ बजे सुरु हुनेछ ।