काठमाडौं । नेपाल तेक्वान्दो महासंघका अध्यक्ष एवं अन्तर्राष्ट्रिय प्रशिक्षक दिनेश शर्मा जर्मनीको म्युनिखमा ‘मास्टर अफ द इयर अवार्ड’ ले सम्मानित भएका छन् । शर्मालाई जर्मनीको म्युनिखमा म्युनिख हल अफ अनर जर्मनीले शनिबार राति एक बिशेष समारोहकाबीच ‘मास्टर अफ द इयर अवार्ड’ बाट सम्मानित गरेको हो ।
नेपाली मार्शल आर्ट क्षेत्रका चर्चित प्रशिक्षक समेत रहेका शर्मासंगै दर्जनौं ग्रान्डमास्टर, मार्शल आर्टसका संस्थापक लगायत अन्तर्रािष्ट्रय मेडलिस्ट खेलाडीहरु पनि सम्मानित भएका थिए । सम्मानित भएपछि शर्माले आफुलाई गौरव महसुस भएको र नेपाली मार्सल आर्ट खेलमा केहि गर्ने उर्जा थपिएको बताए ।
“एक नेपाली खेलाडी, प्रशिक्षकले यो स्तरको सम्मान पाउदा गौरव लागेको छ,” सम्मानपछि जर्मनीबाट शर्माले भने, “यो सम्मान पाउदै अन्तराष्ट्रिय क्षेत्रमा नेपाललाई चिनाउन पाएको छु, त्यसैले खुशी छु । यो सम्मानबाट नेपाली मार्सल आर्ट क्षेत्रको विकास गर्न बल पुगेको छ ।” शर्मालाई यो सम्मानको लागि म्युनिख हल अफ अनर जर्मनीका अन्तर्रा्ष्ट्रिय बोर्ड अफ डाइरेक्टर्सका ग्रान्डमास्टर सिन्थिया रोथरक, ग्रान्डमास्टर अरहार्ड केलनर, ग्रान्डमास्टर सामुएल कोक, मास्टर ग्रेगोर जे हस लगायतका ग्रान्डमास्टर र मास्टर्सको बोर्डले विश्व भरीका दर्जनौं मास्टर्सले छनौट गरेका थिए ।
बाराको निजगढ निवासी ३० बर्षीय शर्मा यसअघि अमेरिकामा द लिजेन्ड मार्शल आर्टस् हल अफ फेमद्वारा पनि सम्मानित भएका थिए । त्यस्तै शर्माले सन् २०१६ मा मात्र बेलायतबाट विश्व मार्शल आर्टस् गेम्स कमीटी, तेक्वान्दो इन्टरनेशनल र इन्टरनेशनल तेक्वान्दो परिषदबाट एकैपटक ३ वटा अवार्ड पाएका थिए ।
यस्तै शर्माले सन् २०१६ मा भारतको बैंगलोरमा सम्पन्न साउथ एशियन ओपेन तेक्वान्दो च्याम्पियनसिपमा नेपाललाई दोस्रो स्थान दिलाएका थिए । तेक्वान्दोका ब्ल्याक बेल्ट पाँचौं डान तथा अन्तर्रा्ष्ट्रिय “ए” क्लास रेफ्रि समेत रहेका शर्माले सन् २०१५ मा अमेरीकामा भएको अन्तर्रा्िष्ट्रय तेक्वान्दो च्याम्पियनसिपमा बेस्ट रेफ्रि अवार्ड समेत पाएका थिए । शर्मा वल्र्ड मार्शल आर्टस् हल अफ फेमका संस्थापक अध्यक्ष, नेपाल राष्ट्रिय मार्शल आर्ट गेम्स महासंघका महासचिव तथा साङरोक नेपाल तेक्वान्दो एकेडेमीका मास्टर समेत हुन् ।
