काठमाडौं । सन्डरल्याण्ड इंग्लिश प्रिमियर लिग फुटबलबाट रेलिगेसनमा परेको छ । लिग अन्तर्गत शनिबार राति भएको खेलमा बोर्नमाउथसँग १–० ले पराजित हुँदै सन्डरल्याण्ड रेलिगेसनमा परेको हो ।
घरेलु मैदानमा भएको खेलमा अन्तिम दुई मिनेट सम्हालिन नसक्दा सन्डरल्याण्ड पराजित भएको हो । खेलको पहिलो हाफ गोलरहित बराबरीमा सकिएको थियो । तर, दोस्रो हाफको ८८ औं मिनेटमा बोर्नमाउथका जोशुए किङले गोल गरेपछि घरेलु टोलि स्तब्ध भएको हो ।
योसँगै सन्डरल्याण्ड पछिल्लो १० वर्षमा पहिलोपटक प्रिमियर लिगबाट रेलिगेसनमा परेको हो । सन्डरल्याण्डले आउँदो सिजन च्यामपियनसिपमा खेल्ने छ । लिगका चार खेल बाँकी रहदा लिगको पुछारको सन्डरल्याण्डको २१ अंक छ । सन्डरल्याण्ड रेलिगेशन जोन भन्दामाथि रहेको हल सिटी भन्दा अझै १३ अंकले पछि छ ।