काठमाडौं । चौथो नयाँ बजार खुला राष्ट्रिय पुरुष भलिबल चैतको अन्तिम सातादेखि हुने भएको छ । शुक्रबार आयोजित पत्रकार सम्मेलन मार्फत आयोजक नयाँ बजार सामाजिक युवा क्लबले चाँैथो सस्करण चैतको अन्तिम साता हुने जानकारी गराएको हो ।
यस सस्करण २३ चैतदेखि २६ सम्म हुने आयोजक क्लबका अध्यक्ष भगवान थापाले बताए । लिग कम नकआउटका आधारमा हुने प्रतियोगिताका खेल नयाँ बजार टाउन प्लानिङस्थित सोसिएल ग्राउन्डमा सञ्चालन हुनेछन् ।
कुल पुरस्कार राशीमा २५ प्रतिशतले बृद्धि भएको यस सस्करणमा तीन विभागिय टिम, भारतिय खेलाडी सम्मेलित मोफसलको क्लब र काठमाडौंको क्लबको सहभागीता रहने छ । जसअन्तर्गत नेपाल आर्मी, नेपाल पुलिस, सशस्त्र प्रहरी बलको एपीएफ, आयोजक नयाँ बजार युवा क्लब, जाउलाखेल क्लब, स्याङ्जाको आधिखोला भलिबल क्लब, हेल्प नेपाल र ढोरपाटन क्लबको सहभागीता रहनेछन् ।
प्रतियोगितामा सहभागी क्लबले नेपाल भलिबल संघको नियम अनुसार चार मात्र विदेशी खेलाडी सेटमा खेलाउन पाउनेछ । प्रतियोगिताको विजेताले एक लाख ७५ हजार एक सय एघार रुपैयाँ, उपविजेताले ९० हजार एक सय ११ रुपैयाँ, तेस्रो हुनेले ५१ हजार १ सय एघार र चौथोले २५ हजार १ सय एघार रुपैयाँ नगद पुरस्कार प्राप्त गर्ने आयोजकले जनाएको छ । यस सस्करणमा बेस्ट प्लेयर तथा विधागत उत्कृष्टमा सटर, ब्लकर, डिफेन्डर, क्वीइकर र बेस्ट प्रशिक्षकलाई पुरस्कृत गरिनेछ ।