काठमाडौं । सर्वोच्च अदालतले म्याद तामेलीमा प्रतिकार गर्ने समूहविरुद्ध दायर भएको रिटको सुनुवाई गर्दै अख्तियार दुरुपयोग अनुसन्धान आयोगका निलम्बित प्रमुख आयुक्त लोकमान सिंह कार्कीलाई ७ दिनभित्र अदालतमा आफैं उपस्थित हुन आदेश दिएको छ ।

अधिवक्ता ओम प्रकाश अर्यालले दायर गरेको रिटको सुनुवाई गर्दै सर्वोच्च अदालतले यस्तो आदेश दिएको हो । न्यायाधीश आनन्द मोहन भट्टराईको एकल इजलासमा म्याद तामेलीमा प्रतिकार गर्ने समूहविरुद्ध दर्ता गरेको रिटको सुनुवाइ भएको थियो ।

निवेदनमा सर्वोच्च अदालतले म्याद तामेलीको प्रयास गर्दा अवरोध पुर्याएका पूर्वकानुनसचिव प्रमोद कार्की, लोकमान सिंह कार्कीका ज्वाइँ प्रवल थापा, असई नकुल गौतमलाई विपक्षी बनाइएको छ ।