बाह्रखरी
Ncell inner sticky
राजनीति प्रतिक्रिया दिनुहोस्
Jagadamba Group
Jagadamba Group
लोकमान सिंह कार्कीको घर बानेश्वर जानुपर्ने सर्वोच्चका तामेलदार किन पुगे अख्तियार ?
KNP nepal
KNP nepal
बाह्रखरी - बिहीबार, असोज २०, २०७३
Laxmi Bank
Laxmi Bank
Duber nepal
Agani Group
काठमाडौं ।  सर्वोच्च अदालतबाट अख्तियार दुरुपयोग अनुसन्धान आयोगका प्रमुख आयुक्त लोकमान सिंह कार्कीको बानेश्वरको घरमा म्याद तामेली गर्न बुधबार पुगेका सर्वोच्चका तामेलदार शम्भु खत्री बिहीबार सबैका लागि चर्चाका विषय बनेका छन् । किनभने बिहीबार उनी अदालत नआई बेपत्ता भए ।
बुधबार कामनपा १० वडा कि सचिव सरिता राई दिनभर उपस्थित नभएर अदालतले रोहबरमा राख्ने जिम्मेवार निकाय नपाएर फर्कनु परेको थियो । सचिव राई बुधबार चर्चाको केन्द्रमा थिइन् भने बिहीबार सर्वोच्चका कर्मचारी खत्री चर्चाको शिखरमा रहे । 
बुधबार म्याद तामेलीको पत्र बुझाउन नसकेपछि बिहीबारका दिन बिहानै बुझाउनु पर्छ भनेर निज खत्रीले नै रिट निवेदक ओमप्रकाश शर्मालाई बिहान १० बजे नै सर्वोच्च आउनका लागि आग्रह गरेका थिए । 
बिहीबारको दिन कार्कीको घर वरिपरिका स्थानीय जनता उठाएर तामेली पत्र टाँस्नुपर्ने र त्यसका लागि रिट निवेदकको पनि सहयोग चाहिने खत्रीले बताएका थिए । 
तर, बिहीबार बिहान १० बजेदेखि परिदृश्य एकाएक परिवर्तन भयो । कार्कीको घरमा टाँस्न भनेर फाइल लिएर हिंडेका तामेलदार शम्भु खत्री अदालतमा हाजिर नै भएनन् । सवा दशबजे उनलाई फोन गर्दा अख्तियारको कार्यालयमा टाँस्ने भन्ने सोचेर आफू सिधै अख्तियार आइपुगेको बताए । त्यसपछि एकैछिनमा सर्वोच्च आइपुग्छु भनेर बताउने खत्रीले कहिले जाम र कहिले के कारणले अलि ढिलो हुने बताए । तर करिब साढे दुई किलोमिटर टाढा रहेको अख्तियारबाट सर्वोच्च आउन धेरैबेर लगाए पछि पुनः फोन गर्दा उनको फोनको स्विच अफ भयो ।
“पटक–पटक सम्पर्क गर्दा तामेलदार खत्रीले आइपुग्न लागें भन्ने जानकारी मात्र दिनुभयो,” सर्वोच्च स्रोतले भन्यो, “पछि उहाँले मोबाइलको स्वीच अफ गर्नुभयो । दिनभर कार्यालय पनि आइपुग्नुभएन ।”
खत्रीको व्यवहारबाट सर्वोच्च अदालत आश्चर्य चकित मात्र भएको होइन, सर्वोच्चका कर्मचारीको क्षमतामा समेत प्रश्न उठ्न थालेको छ । 
सर्वोच्च अदालत स्रोतका अनुसार तामेलदार खत्रीलाई सर्वोच्च प्रशासनले कारवाहीको तयारी गरेको छ । “उहाँसँग स्पष्टिकरण सोधिन्छ,” स्रोतले भन्यो, “चित्तबुझ्दो नभए कारवाही पनि हुन सक्छ ।”
रिट निवेदक अर्यालले भने आफू दिनभर खत्रीकै पर्खाइमा रहेको बताए । “लोकमान सिंह कार्कीकै कारणले उहाँ सम्र्पकविहीन भएको हो,” अर्यालले बाह्रखरीसँग भने, “हामी अझै पनि वहाँ सम्पर्कमा आउने पर्खाइमा छौं । सम्पर्क हुनासाथ म्याद तामेल हुन्छ ।”
 
 
 
Nepal Investment bank
Nepal Investment bank
बिहीबार, असोज २०, २०७३ मा प्रकाशित
TATA Landing
TATA Landing
प्रतिक्रिया दिनुहोस्