![लघुकथाकार सुमन सौरभ सम्मानित](https://12khari.de/uploads/posts/1657761452Capture.jpeg)
चितवन । चितवन साहित्य परिषदले लघुकथाकार सुमन सौरभलाई सम्मानित गरेको छ । चिसापको आयोजनामा नारायणगढमा शनिबार आयोजित कार्यक्रममा चिसाप राजकृष्ण साहित्य पुरस्कारबाट सौरभलाई सम्मानित गरिएको हो । परिषदले हरेक वर्ष प्रदान गर्ने यो पुरस्कार यस वर्ष सुमन सौरभको लघुकथा सग्रह ‘स्वप्निस्तान’का लागि प्रदान गरिएको हो ।
१५३आैं मोती जयन्तीका अवसरमा चितवन साहित्य परिषदले आयोजना गरेको कार्यक्रममा लघुकथाकार सौरभलाई गोरखापत्र दैनिकका नि.प्रधान सम्पादक एवं लघुकथा समाजका अध्यक्ष श्रीओम श्रेष्ठले दोसल्ला ओढाएर र परिषदका अध्यक्ष सुरेन्द्र अस्तफलले नगद तथा सम्मान पत्र प्रदान गर्दै सम्मान गरेका थिए । सम्मानका साथ ११ हजार ४५ रुपैयाँ नगद राशी पनि रहेको छ ।
कार्यक्रममा श्रीओम श्रेष्ठले लघुकथा समाजको ऐना भएको बताए । कार्यक्रममा समालोचक तथा साहित्यकार डा. लक्ष्मणप्रसाद गौतमले सौरभका लघुकथाहरु साङगोपाङ चर्चा गरेका थिए ।
सो अवसरमा विभिन्न स्रष्टाहरुले गजल गायन प्रस्तुत गरेका थिए ।
तस्विर सौजन्यः बसन्त पराजुली
![Global Ime bank](https://baahrakhari.com/uploads/bigyaapan/30885600.gif)