२०७४, माघ ११ गते बिहिबार, माघ शुक्ल अष्टमी, भरणी नक्षत्र, शुभयोग, मेषमा चन्द्रमा
मेषः दिन भाग्योदयकारक रहनेछ । बौद्धिक र चिन्तनमूलक काम हुनेछ । पढाइ लेखाइमा थप गति थपिनेछ । अरूबाट सहयोग मिल्नेछ ।
वृषः दिन प्रतिकूल रहनेछ । खर्चको मात्रा बढ्नेछ । पारिवारिक झमेला थपिनेछ । जग्गा जमिन सम्बन्धी काममा व्यवधान आउनेछ ।
मिथुनः दिन अनुकूल रहनेछ । आय आर्जनका विभिन्न बाटाहरू खुल्नेछन् । व्यवहारमा सरलता आउनेछ । मनमा सन्तोष मिल्नेछ ।
कर्कटः दिन उत्तम रहनेछ । आँटे ताकेको काममा सफलता मिल्नेछ । सामाजिक दायित्व वहन गरिनेछ । दीर्घकालीन कामको सोच हुनेछ ।
सिंहः दिन ठिक रहनेछ । आध्यात्मिक क्षेत्रमा रूचि बढ्नेछ । दानपुण्यले मनमा सन्तोष मिल्नेछ ।सहयोग प्राप्त हुनेछ ।
कन्याः दिन प्रतिकूल रहनेछ । काममा ढिलासुस्ती हुनेछ । सामाजिक सद्भावमा आँच आउनसक्छ । प्रत्येक काममा सावधानीको खाँचो पर्नेछ ।
तुलाः दिन अत्युत्तम रहनेछ । कामप्रति जिज्ञासा बढ्नेछ । व्यापार व्यवसाय फस्टाउनेछ । प्रियजनसँग भेटघाट हुनेछ ।
वृश्चिकः दिन उत्तम रहनेछ । शत्रु परास्त हुनेछन् । आँटेको काम बन्नेछ । मावली पक्ष सहयोगी हुनेछ । मनोबल बढ्नेछ ।
धनुः दिन सार्थक रहनेछ । मनमा चिन्ता कम हुनेछ । स्वास्थ्य पनि निकै सबल हुनेछ । बुद्धिवर्धक काम गरिनेछ । मन प्रसन्न हुनेछ ।
मकरः दिन प्रतिकूल रहनेछ । काममा व्यवधान आउनसक्छ । निर्णय क्षमतामा दुविधा बढ्नेछ । महत्वपूर्ण कामको अपेक्षा नगर्नु बेस हुनेछ ।
कुम्भः दिन उत्तम रहनेछ । आम्दानीको नयाँ स्रोत खुल्नेछ । सामाजिक कामको दायित्व बढ्नेछ यश, कीर्ति मिल्नेछ ।
मीनःदिन अनुकूल रहनेछ । बोलीवचनमा प्रभाव बढ्नेछ । आर्थिक कारोबार हुनेछ । खानपानका विशेष परिकार मिल्नेछ । स्वास्थ्य सबल हुनेछ ।
