काठमाडौँ । प्लान इन्टरनेशनल जर्मनीकी दूत तथा जर्मनअभिनेत्री इमिलिया सुचलले नेपाल भ्रमणको क्रममा नेपालको विभिन्न समुदायको भ्रमण गरेकी छन् । एक हप्ता नेपाल भ्रमणका लागि आएकी सूचलले आफ्नो कार्यक्षेत्र सहेका समुदायका बालबालिकासँग रमाएकी हुन् ।
२४ वर्षीया जर्मन नायिका ईमिलियाले नेपाल भ्रमणको क्रममा उनले मकवानपुरको आमभन्ज्याङस्थित जनक माध्यमिक विद्यालयमा विद्यार्थी, शिक्षक र विद्यालयका व्यवस्थापन समितिहरूसँग अन्तरक्रिया गरेकी थिइन् ।
“नेपालका बालबालिकासँग रमाउन पाउँदा म ज्यादै हर्षित छु,” उनले नेपालका सञ्चारमाध्यमलाई प्रतिक्रिया दिइन्, “नेपालका बालबालिकाहरू मिजासिला छन् ।”
दुःखमा पनि हर्षित मुद्रामा बालबालिका देख्न पाउँदा उनी पुलकित देखिएकी थिइन् ।
“यो मेरो नेपालमा पहिलो भ्रमण हो, नेपालको विभिन्न ग्रामिण क्षेत्रमा भ्रमण गर्न पाउँदा खुसी लागेको छ,” ईमेलियाले बताइन् । भ्रमणका क्रममा उनले सोही विद्यालयकी एक छात्राको पढाइ खर्चसमेत बेहोर्ने बताइन् ।
रुसमा जन्मेकी ईमेलियाले सन् २००५ बाट फिल्मको करियर सुरू गरेकी हुन् । उनले अभिनय गरेको ‘हाइ सोसाइटी’ र ‘युथ विथआउट गड’ नामक फिल्म छिट्टै रिलिज हुदैंछ ।
फिल्म क्षेत्रमा बाहेक अभिनेत्री ईमिलियाले विभिन्न समस्या भोगिरहेका बालबालिकाका सहयोग गर्दै आइरहेकी छन् ।
