देश
धुन्चे । पासाङल्हामु राजमार्गअन्तर्गत रसुवाको मूलखर्क क्षेत्रमा सडक व्यवस्थापन हुन नसक्दा मालबाहक कन्टेनर ओहरदोहर गराउँदा समस्या भएको छ ।
नेपाल–चीन केरुङ व्यापारका सामग्री ल्याउने लैजाने सामग्री बोकेका कन्टेनर मूलखर्कमा चिप्लिएर मोटर उकाल्न गाह्रो परेको ट्रक कन्टेनर चालकले दुखेसो गरेका छन् ।
नेपाल–चीन केरुङ व्यापार सङ्घका अध्यक्ष मानबहादुर तामाङका अनुसार राम्चे गाविसको राम्चेभिर मूलखर्क, स्याफ्रु गाविसको सानोभार्खु खोल्छा आसपास, धुन्चे नजिकको खोपाङभिर, लिङलिङ समेतका स्थानमा कतै पहिरो आउने र कतै हिलोेले मोटरका चक्का गुड्न नसक्ने भएका कारण नेपालको एकमात्र उत्तरी नाका सुचारु राखी व्यापार व्यवसायमा सहज पार्न संस्थागतरुपले सडक कार्यालय र सम्बन्धित निकायमा निरन्तर पहल भइरहेको छ ।
यो नाकाले दैनिक रु एक करोड आय गर्ने भन्सार कार्यालयले बताएको छ ।
मूलखर्कमा मोटर पुगेपछि पार गराउन समस्या परेपछि जिल्ला अस्पतालबाट सरुवा गरेका बिरामी सहजरुपले काठमाडौँ लान समस्या हुन थालेको एम्बुलेन्स चालक बताउँछन् ।
रसुवागढी क्षेत्रमा बेलाबेलामा भिरमाथिबाट ढुङ्गा निरन्तर आउन थालेपछि व्यवसायीका तीन दर्जनभन्दा बढी सवारीसाधनमा क्षति भई व्यवसायीलाई ठूलो मर्का परिसकेको अध्यक्ष तामाङले बताए । रासस
प्रकाशित मिति: मंगलबार, असार २१, २०७३ १०:०१
प्रतिक्रिया दिनुहोस्