काठमाडौं । प्रधानमन्त्री शेरबहादुर देउवाले माओवादी मन्त्रीहरूलाई जिम्मेवारीबाट हटाउँदै मन्त्रिपरिषद् हेरफेर गरेका छन् । प्रधानमन्त्री देउवाले गृह, परराष्ट्र, सामान्य प्रशासन, पशुपंक्षी विकास, विज्ञान तथा प्रविधि, शान्ति तथा पुननिर्माण मन्त्रालय आफैसँग राखेका छन् ।
त्यस्तै माओवादीकै भागमा रहेको उर्जा मन्त्रालय यसअघि उपप्रधानमन्त्री नियुक्ति गरिएका राप्रपा अध्यक्ष कमल थापालाई दिएका छन् ।
देउवाको सचिवालय स्रोतकाअनुसार राप्रपा प्रजातान्त्रिकका दिपक बोहोरालाई स्वास्थ्य, जयन्त चन्दलाई आपूर्ती, दिलनाथ गिरी सहरी विकास, विक्रमबहादुर थापालाई महिला बालबालिका तथा समाजकल्याण मन्त्रालयको जिम्मा लगाएका हुन् । त्यस्तै कुन्तीकुमारी शाहीलाई शहरी विकास राज्यमन्त्रीको जिम्मेवारी तोकेका छन् ।
त्यसैगरी शाही, भास्कर भद्रा, कान्ता भट्टराई र सुशील श्रेष्ठलाई राज्यमन्त्रीको जिम्मेवारी दिइएको छ ।
माओवादी नेताहरुले परराष्ट्र, गृह, स्वास्थ्य, उर्जा लगायतका मन्त्रालय सम्हालेका थिए ।
मंगलबार दिउँसो प्रधानमन्त्री देउवा र माओवादी केन्द्रका अध्यक्ष पुष्पकमल दाहाल प्रचण्डबीच भएको छलफलमा माओवादी केन्द्रका मन्त्री फिर्ता हुने सहमति भएको थियो ।
सोही सहमतिअनुसार माओवादी संसदीय दलको कार्यालय सिँहदरबारमा बसेको बैठकमा सर्वोच्च अदालतले मतपत्र सम्बन्धी दिने फैसलाले प्रधानमन्त्रीलाई चुनाव सार्न सहज हुन सक्ने संकेत प्राप्त भएपछि तत्काललाई तयार पारिएको ड्राफ्ट नै दाहालले खल्तीमा हालेको माओवादी स्रोतले जानकारी दियो ।
माओवादी केन्द्रकी प्रवक्ता पम्फा भुषालले अहिले प्रधानमन्त्रीले जिम्मेवारीविहीन बनाए पनि चुनाव हुने सुनिश्चित नभएसम्म सरकारबाट नहट्ने बताइन् । उनले प्रधानमन्त्रीको निर्णयपछि बसेको बैठकले पनि यस्तो निष्कर्ष निकालेको उनको भनाई थियो ।
यस्तो छ मन्त्रीको कार्यविभाजन
क्र.सं. नाम, थर पद कार्यविभाजन
1. श्री शेरबहादुर देउवा प्रधानमन्त्री गृह; परराष्ट्र; पशुपंक्षी विकास; विज्ञान तथा प्रविधि; शान्ति तथा पुनर्निर्माण र सामान्य प्रशासन
2. श्री विजयकुमार गच्छदार उपप्रधानमन्त्री सङ्घीय मामिला तथा स्थानीय विकास
3. श्री कमल थापा उपप्रधानमन्त्री ऊर्जा
4. श्री कृष्णबहादुर महरा उपप्रधानमन्त्री विना विभागीय
5. श्री गोपालमान श्रेष्ठ उपप्रधानमन्त्री शिक्षा
6. श्री गिरिराजमणि पोखरेल मन्त्री विना विभागीय
7. श्री ज्ञानेन्द्रबहादुर कार्की मन्त्री अर्थ
8. श्री फरमुल्लाह मन्सुर मन्त्री श्रम तथा रोजगार
9. श्री जनार्दन शर्मा मन्त्री विना विभागीय
10. श्री दीपक बोहरा मन्त्री स्वास्थ्य
11. श्री प्रभु साह मन्त्री विना विभागीय
12. श्री सुनिलबहादुर थापा मन्त्री उद्योग
13. श्री जयन्त चन्द मन्त्री आपूर्ति
14. श्री बिक्रम पाण्डे मन्त्री वन तथा भू-संरक्षण
15. श्री दिलनाथ गिरी मन्त्री सहरी विकास
16. श्री जितेन्द्रनारायण देव मन्त्री संस्कृति, पर्यटन तथा नागरिक उड्डयन
17. श्री गोपाल दहित मन्त्री भूमिसुधार तथा व्यवस्था
18. श्री मोहनबहादुर बस्नेत मन्त्री सूचना तथा सञ्चार
19. श्री रामकृष्ण यादव मन्त्री कृषि विकास
20. श्री महेन्द्र यादव मन्त्री खानेपानी तथा सरसफाइ
- २ -
21. श्री अम्बिका बस्नेत मन्त्री सहकारी तथा गरिबी निवारण
22. श्री वीरबहादुर बलायर मन्त्री भौतिक पूर्वाधार तथा यातायात
23. श्री मीनबहादुर विश्वकर्मा मन्त्री वाणिज्य
24. श्री यज्ञबहादुर थापा मन्त्री कानुन, न्याय तथा संसदीय मामिला
25. श्री भीमसेनदास प्रधान मन्त्री रक्षा
26. श्री सञ्जयकुमार गौतम मन्त्री सिँचाइ
27. श्री राजेन्द्रकुमार के.सी. मन्त्री युवा तथा खेलकुद
28. श्री टेकबहादुर वस्नेत मन्त्री विना विभागीय
29. श्री शिवकुमार मण्डल केवट मन्त्री विना विभागीय
30. श्री महेन्द्रबहादुर शाही मन्त्री विना विभागीय
31. श्री आशा कोइराला मन्त्री विना विभागीय
32. श्री सन्तकुमार थारु मन्त्री विना विभागीय
33. श्री मिथिला चौधरी मन्त्री जनसङ्ख्या तथा वातावरण
34. श्री विक्रमबहादुर थापा मन्त्री महिला, बालबालिका तथा समाजकल्याण
35. श्री कुन्तीकुमारी शाही राज्यमन्त्री सहरी विकास
36. श्री मोहम्मद जाकिर हुसैन राज्यमन्त्री विना विभागीय
37. श्री रामसिंह यादव राज्यमन्त्री विना विभागीय
38. श्री श्यामकुमार श्रेष्ठ राज्यमन्त्री विना विभागीय
39. श्री शम्भुलाल श्रेष्ठ राज्यमन्त्री विना विभागीय
40. श्री कर्णबहादुर वि.क. राज्यमन्त्री विना विभागीय
41. श्री छमबहादुर गुरुङ राज्यमन्त्री विना विभागीय
42. श्री गोमा कुवर राज्यमन्त्री विना विभागीय
43. श्री ओङदी शेर्पा राज्यमन्त्री विना विभागीय
44. श्री सीता गुरुङ राज्यमन्त्री भौतिक पूर्वाधार तथा यातायात
45. श्री सरिता प्रसाईँ राज्यमन्त्री कृषि विकास
46. श्री शेषनाथ अधिकारी राज्यमन्त्री शिक्षा
47. श्री नरबहादुर चन्द राज्यमन्त्री वाणिज्य
48. श्री अब्दुल रज्जाक गद्दी राज्यमन्त्री खानेपानी तथा सरसफाइ
49. श्री तप्तबहादुर विष्ट राज्यमन्त्री सूचना तथा सञ्चार
50. श्री अमरसिंह पुन राज्यमन्त्री सिँचाइ
51. श्री दिलमान पाख्रिन राज्यमन्त्री कानुन, न्याय तथा संसदीय मामिला
52. श्री उदय शम्शेर राणा राज्यमन्त्री अर्थ
- ३ -
53. श्री डिल्लीबहादुर चौधरी राज्यमन्त्री श्रम तथा रोजगार
54. श्री तेजुलाल चौधरी राज्यमन्त्री युवा तथा खेलकुद
55. श्री चम्पादेवी खड्का राज्यमन्त्री सहकारी तथा गरिबी निवारण
56. श्री जनकराज चौधरी राज्यमन्त्री सङ्घीय मामिला तथा स्थानीय विकास
57. श्री सुमित्रा थरुनी राज्यमन्त्री संस्कृति, पर्यटन तथा नागरिक उड्डयन
58. श्री यशोदाकुमारी लामा राज्यमन्त्री भूमिसुधार तथा व्यवस्था
59. श्री रेसमबहादुर लामा राज्यमन्त्री उद्योग
60. श्री विराज विष्ट राज्यमन्त्री विज्ञान तथा प्रविधि
61. श्री कमलादेवी शर्मा राज्यमन्त्री वन तथा भू-संरक्षण
62. श्री भाष्कर भद्रा राज्यमन्त्री ऊर्जा
63. श्री सुशीलकुमार श्रेष्ठ राज्यमन्त्री आपूर्ति
64. श्री कान्ता भट्टराई राज्यमन्त्री महिला, बालबालिका तथा समाजकल्याण