काठमाडौं । महिला, बालबालिका तथा समाजकल्याण मन्त्री आशा कोइराला र नेपालका लागि युएइका राजदूत महामहिम सइद महम्मद अलनाक्बीबीच शिष्टाचार भेटघाट सम्पन्न भएको छ ।
सोमबार मन्त्रालयमा भएको शिष्टाचार भेटघाटमा बोल्दै राजदूत महम्मद अलनाक्बीले नेपालमा आई कार्यसम्पादन गर्न पाउँदा आफूलाई खुसी लागेको बताउँदै महिला र बालबालिकाको क्षेत्रमा काम गर्न इच्छुक रहेकोसमेत बताए ।
भेटघाटमा आफ्नो धारणा राख्दै मन्त्री कोइरालाले राजदूतमहम्मद अलनाक्बीको कार्यकाल सफलताको शुभकामना ब्यक्त गर्दै महिला तथा बालबालिकाको क्षेत्रमा काम गर्ने उपयुक्त बाताबरण सिर्जना गर्ने बिश्वास ब्यक्त गरिन् ।
यसका साथै मन्त्री कोइरालाले शिष्टाचार भेटघाटले यूएई र नेपालबिचको सम्बन्ध सुदृढ र सुमधुर हुने धारण पनि व्यक्त गरिन् ।