![भरतपुरमा जगन्नाथले ल्याए एउटै वडाबाट १,२१६ मत : माओवादी वृत्तमा चिन्ता](https://12khari.top/uploads/posts/141652619616.jpg)
चितवन । चितवनको भरतपुर महानगरपालिको प्रमुख पदका स्वतन्त्र उमेदवार जगन्नाथ पौडेलको मत संख्या निरन्तर बढ्दो छ । उनले एउटै वडाबाट एक हजार २१६ मत ल्याएका छन् । एउटै वडाबाट उनले ल्याएकोे यो सर्वाधिक मत हो ।
सत्ता गठबन्धनका तर्फबाट नेकपा (माओवादी केन्द्र)की उमदेवार रेनु दाहाल, नेकपा (एमाले)का उमेदवार विजय सुवेदी, पौडेललगायत प्रमुख पदका लागि प्रतिस्पर्धामा छन् ।
भुइँकटहर चुनाव चिह्न पाएका पौडेलले वडा नम्बर–१ मा ४३०, २ मा ४९४ र वडा–३ मा ६४८ मत ल्याएका थिए । वडा नम्बर–४ मा भने उनले एक हजार २१६ मत पाएका छन् ।
पौडेलको गृहवडाको मतगणना हुन बाँकी छ । यसबाहेक वडा नम्बर–७, ६, १४ र १५ मा पौडेलको बलियो प्रभाव रहेको बताइएको छ ।
![Global Ime bank](https://baahrakhari.com/uploads/bigyaapan/30885600.gif)
पौडेलको मत बढ्दा माओवादी वृत्तमा चिन्ता थपिँदै गएको देखिन्छ । पौडेललाई मत आउँदा त्यसको असर दाहालको मतमा पर्ने विश्लेषण हुँदै आएको छ ।
१७ हजार २६६ मत गन्दा दाहालले पाँच हजार ७१८ मत पाएकी छन् । सुवेदीले पाँच हजार ६८९ मत ल्याएका छन् । स्वतन्त्र उमेदवार पौडेलले दुई हजार ७८८ मत प्राप्त गरेका छन् ।