मुम्बई । बलिउड अभिनेत्री आलिया भट्ट सफलताको नयाँ उचाइ चुम्दै गर्दा विश्वव्यापी प्रभुत्वको बाटोमा लम्किदै छिन् । ‘ग्याल गडोट’मार्फत हलिउडमा देब्यू गर्ने तयारीमा रहेकी आलिया इन्स्टाग्रामको विश्वका शीर्ष सेलिब्रिटीको सूचीमा छैटौं स्थानमा परेकी छन् । 

इन्फ्लुयन्सर मार्केटिङ हबका अनुसार हलिउड कलाकारहरु जेनिफर लोपेज, क्रिस हेम्सवर्थ, रोबर्ट डाउनी जुनियरलाई पनि उछिन्दै उत्कृष्ट ६ मा पर्न सफल बनेकी हुन् ।
 
यस सूचीको पहिलो स्थानमा हलिउड अभिनेत्री जेन्डेया छिन् । सूचीको दोस्रो स्थानमा उनकै प्रेमी तथा अभिनेता टम हल्यान्ड छन् । तेस्रो, चौथो र पाँचौं स्थानमा क्रमशः ड्वेन जोन्सन, दक्षिण कोरियाली ¥यापर जे होप र विल स्मिथ छन् । 

इन्स्टाग्राममा ६४.२ मिलियन फलोअर्स भएकी आलियालाई अन्तर्राष्ट्रिय ब्राण्ड र व्यवसायीहरुले पनि फलो गरेका छन् । यो सूचीमा बलिउड कालकारबाट आलियाका साथै प्रियंका चोपडा, अक्षय कुमार, श्रद्धा कपुर र रश्मिका मन्दना पनि परेका छन् । उनीहरु क्रमशः १३, १४, १८ र १९ औं स्थानमा छन् ।
 
हालै अभिनेता रणवीर कपुरसँगको विवाहका तस्बिरहरू इन्टाग्राममा सेयर गरेर चर्चा पाएकी उनको विवाहमा लगाएको न्युड लिप्स्टिक विभिन्न कसमेटिक्स पसल अनि अनलाइन व्यवसायीहरुले बिक्री गरिरहेको बताइएको छ । पिंकभिल्ला