नयाँ दिल्ली । हाल भारतका पाँच राज्य उत्तरप्रदेश, पन्जाब, उत्तराखण्ड, मनिपुर र गोवामा विधानसभा निर्वाचनको मतगणना भइरहेको छ । भारतीय समयानुसार बिहीबार बिहान ८ बजेदेखि मतगणना सुरु भएको हो ।

सार्वजनिक गरिएको सुरुवाती नतिजाअनुसार उत्तर प्रदेश, उत्तराखण्ड र मनिपुरमा प्रधानमन्त्री नरेन्द्र मोदीको भारतीय जनता पार्टी स्पष्ट रूपमा विजयी हुने देखिएको छ ।

पन्जाबमा भने आमआदमी पार्टीले ऐतिहासिक जित हासिल गरेको छ । आमआदमीले बहुमत संख्या पार गर्दै झन्डै ९० सिटको अग्रता हासिल गरेको छ । बीबीसी हिन्दीबाट ।