काठमाडौं । हात्ती ८ स्ट्रङ बियरको हात्ती मेरो साथी टिकटक च्यालेन्जको विजेता घोषणा गरिएको छ । जावलाखेल ग्रुप अफ इन्डस्ट्रिजले हात्ती मेरो साथी टिकटक च्यालेन्ज सम्पन्न गरी विजेताहरू घोषणा गरेको हो ।

उक्त च्यालेन्जमा भाग लिन सहभागीहरूले टिकटकमा उपलब्ध ‘हात्ती मेरो साथीको गीतमा नाचेर असोज १५ देखि मङ्सिर १४ भित्र टिकटक भिडियो अपलोड गरेका थिए ।

सर्वाधिक लाइक प्राप्त गरी जानकी कुमारी बरालले नगद एक लाख रुपैयाँ हात पारेकी छन् । यस्तै दोस्रो हुन सफल चन्द्र कुमारी फुयालले नगद २५ हजार तथा तेस्रो हुन सफल सुरुची श्रेष्ठले नगद १० हजार प्राप्त गरिन् । साथै तीनै विजेताहरूले २ जनाको लागि २ रात ३ दिनको सौराहा भ्रमणको प्याकेज पनि पाएका छन् ।

यस प्रतियोगितामा नेपालका विभिन्न ठाउँबाट आएका विभिन्न उमेर समूहका थुप्रैले बनाएको नाचेको टिकटक भिडियोहरू ३० लाख भन्दा बढी पटक हेरिएको कम्पनीले जनाएको छ ।

हात्ती ८ बियर जावलाखेल ग्रुप अफइन्डस्ट्रिज अन्तर्गत संचालित राज ब्रुअरी प्रा.लि.द्वारा उत्पादित स्वदेशी प्रिमियम स्ट्रङ बियर हो । ३३० मिलिको सानो बोतलमा उपलब्ध यो बियरमा अल्कोहलको मात्रा ८ प्रतिशत छ ।