काठमाडौं । अभिनेत्री ऋचा शर्माको प्रस्तुतिमा तयार भएको फिल्म ’कौसीद’को फर्स्ट लुक टिजर सार्वजनिक भएको छ । निर्देशक भास्करकाअनुसार फिल्म प्रदर्शनका लागि तयार भइसकेको छ ।

सार्वजनिक फर्स्टलुक टिजरमा अभिनेता भोलाराज सापकोटालाई एक्लैलाई फिचर गरिएको छ । उनले पिँजडामा खरायो बोक्दै गरेको दृश्यले पिँजडामा परेको जीवनको उन्मुक्तिको संघर्ष भाव व्यक्त गर्न खोजिएको छ । चलचित्रको कथा वित्तीय ऋणको चपेटामा परेको पात्रको जीवन भोगाइ जोडिएको छ ।

चलचित्रमा भोलाराज सापकोटा र ऋचा शर्मासँगै रूपेश दाहाल, परिक्षित विक्रम राणा, सदिक्षा गौतम, निर्भिक भट्टराई र सागर भट्टराई मुख्य भुमिकामा छन् । फिल्मको निर्माता केदार भुसाल हुन् भने कार्यकारी निर्मातामा दिमेश श्रेष्ठ तथा सह–निर्मातामा लक्ष्मण बानियाँ हुन् ।

निर्देशक भास्करकै पटकथामा बनेको फिल्मको कथा लेखन नव विजय प्रकाश श्रेष्ठ र धिर्जन थपलियाको हो ।