काठमाडौं । स्पेनिस ला लिगाको शीर्ष क्लब रियाल मड्रिडका डेबिड अलबा र इस्कोलाई पनि कोभिड–१९ संक्रमण भएको छ । योसँगै रियालमा टिमका आठ खेलाडी कोरोनाभाइरस संक्रमित भएका छन् ।

रक्षक अलबा र मिडफिल्डर इस्को मंगलबार संक्रमित भएका हुन् । यसअघि, लुका मोड्रिच, मार्को एसेन्सियो, रोड्रिगो, गारेथ बेल, मार्सेलो र दोस्रो रोजाइका गोलकिपर एन्ड्री लुनिन कोरोनाभाइरस संक्रमित भएका थिए ।

बुधबार राति लिगमा एथलेटिक बिल्बाओविरुद्ध हुने खेलमा संक्रमित कोही पनि उपलब्ध हुने छैनन् । एथलेटिक बिल्बाओमा पनि युनाई सिमोन र इनिगो मार्टिनेजसहित चार खेलाडी उपलब्ध हुने छैनन् ।