काठमाडौं । काठमाडौंमा आज बिहानैबाट मौसमा बदली भएको छ । काठमाडौं उपत्यकामा बिहानैबाट कुहिरो लागेको मौसमविद् मञ्जु बासीले जानकारी दिइन् । 

“बिहान कुहिरो लागेको छ । यो विस्तारै हट्दै गएर दिउँसो पारिलो घाम लाग्ने छ,” उनले भनिन् । 

आज बिहान ६ बजे काठमाडौं उपत्यकाको न्यूनतम तापक्रम ८.८ डिग्री सेल्सियस मापन गरिएको छ । दिउँसो बढेर १९ डिग्री सेल्सियससम्म पुग्ने पूर्वानुमान गरिएको छ । 

यसैबीच, आज प्रदेश १, वाग्मती प्रदेश र गण्डकी प्रदेशको उच्च पहाडी तथा हिमाली भू–भागका एकदुई स्थानमा दिउँसो हल्का हिमपातको सम्भावना रहेको छ ।