काठमाडौं । राष्ट्रियसभामा नेपाली कांग्रेस संसदीय दलका नेता कृष्णप्रसाद सिटौलाले पुष्पकमल दाहाल 'प्रचण्ड'लाई केपी शर्मा ओलीको समर्थनमा प्रधानमन्त्री बनेकै दिन दुई महिनामा फालिदिने बताएको खुलासा गरेका छन् ।

सरकारको अस्थिरताका कारण बनेका प्रचण्डलाई अब ओलीसँग मिलेर हामी सरकार बनाउँछौँ भनेर हिँडेको सिटौलाले झन्डै त्यही अवधिमा ओलीसँग सहमति भएको बताए । संसदीय मामिला पत्रकार समाजले राष्ट्रियसभाको औचित्यका विषयमा राखेको छलफलका क्रममा सिटौलाले आफू राष्ट्रियसभाको अध्यक्ष बनाउन कर गरेका कारण राष्ट्रियसभा सदस्य लड्न तयार भएको भन्दै गठबन्धन टुटेपछि परिणाम अर्कै भएको बताए ।

"म वीरगञ्जमा हुँदा नै गठबन्धन टुट्दै गरेको थाहा पाउँ । काठमाडौं आएर उपप्रधानमन्त्री समेत रहेका पूर्णबहादुर खड्कालाई गठबन्धन टुट्नेबारे चासो राखे उहाँ कहाँ हुन्छ भन्नुहुन्छ । सोध्न जाउ भनेर प्रचण्डकोमा गयौँ, उहाँले होइन भन्नुभयो," सिटौलाले भने, "उहाँले होइन भनेको कुरा नै भयो । त्यसपछि रमेश लेखक (वतर्मान गृहमन्त्री) र म प्रचण्डकोमा गयौँ र हामी जे भन्छौँ त्यो गर्छौं भनेरै हिँड्यौँ । अब हामी ओलीसँग मिलेर सरकार  बनाउँछौँ, तपाईंलाई दुई महिनामा प्रधानमन्त्रीबाट फालिदिन्छौँ ।"

उनले भनेको करिब त्यही अवधिमा ओलीसँग मिलेर सरकार बनाएको बताए । यो विषय प्रचण्डसँग पनि सोध्न आग्रह गर्दै रातारात केही भएर सरकार परिवर्तनको हल्लाबाट प्रभावित नहुन आग्रह गरे ।

"प्रचण्डले कांग्रेसलाई धोका दिएपछि त्यसै दिनबाट नयाँ सरकारको अभ्यास सुरू भएको हो, रातारात के भयो भन्ने हल्ला बेकार भो हस्ताक्षर कहाँ भयो र कुन समयमा भयो भन्ने प्राविधिक कुरा मात्रै हो," उनले भने ।