काठमाडौं । डान्स रियालिटी शो ‘डान्स च्याम्पियन’ आयोजना हुने भएको छ । नेपालकै सबैभन्दा ठूलो डान्स रियालिटी शो दाबी गरेको यो शो कान्तिपुर टेलिभिजनबाट प्रशारण हुने छ ।  

३४ भाग प्रशारण हुने शोका विजेताले २५ लाख रुपैयाँ पुरस्कार प्राप्त गर्ने आयोजकले जनाएको छ । 

‘डान्स च्याम्पियन’का निर्णायकहरुमा अभिनेत्री निरुता सिंह, कोरियोग्राफर जगत रावल र डान्सर आस्मा विश्वकर्मा हुने छन् । डान्स च्यापियन कार्यक्रमको प्रस्तोताको रुपमा रमेश राई (फुलन्देकी आमा) र निशान्त कटुवाल छन् । शो कात्तिक २५ गतेबाट प्रशारण हुने छ ।