काठमाडौं । प्रदेश नम्बर २ का मन्त्री तथा कांग्रेस नेता वीरेन्द्र सिंहले आफूलाई सांसद अमरेशकुमार सिंहले हातपात गर्न खोजेको आरोप लगाएका छन् ।

उनले आफूलाई असार ५ गते पार्टी कार्यालय सानेपामा हातपात गर्न खोजेको आरोप लगाएका हुन् ।

सानेपामा पत्रकारहरुसँग कुराकानी गर्दै उनले सर्लाहीमा अमरेश कुमार सिंहकै कारण अधिवेशन प्रभावित भएको बताए । 

आफ्नो जिल्लामा क्रियाशीलमा कुनै विवाद नभएको उनले बताए । पत्रकारहरुसँगको कुराकानीमा अमरेशले आफूलाई कार्यकर्ता लगाएर हातपात गर्न खोजेपछि त्यसको बदला लिन्छु भनेर बोलेको स्वीकार गरे । 

“हो म माथि हमला हुन खोजेपछि त्यसको बदला लिन्छु भनेकै हो म त्यो स्वीकार गर्छु,” उनले भने । 

आफूलाइ अमरेश सिंहका कार्यकर्ताले आक्रमण गर्न खोजेपछि आफूले प्रतिकार मात्र गर्न खोजेको उनको दाबी छ ।