मुम्बई । बलिउड अभिनेता अक्षय कुमार आमाको निधनको दुईदिन पछि नै काममा फर्किसकेका छन् । आमा गुमाउनुको पीडा हुँदाहुँदै पनि आफ्नो जिम्मेवारीतिर लम्किएका उनी आमालाई सम्झिएर भावुक भएका छन् । 

भारतीय प्रधानमन्त्री नरेन्द्र मोदीले आफ्नी आमाको निधनमा लामो शोक सन्देश पठाएपछि उनी भावुक बनेका हुन् ।
 
अक्षयले प्रधानमन्त्री मोदीको शोक सन्देशलाई ट्विटमार्फत पनि सेयर गरेका छन् । पत्र ट्विट गर्दै अक्षयले लेखेका छन्, “आमाको निधनपछि पाएको सबै शोक सन्देशका लागि आभारी छु । माननीय पीएमको अदभूत इशाराप्रति पनि आभारी छु, जसले मेरो दिवंगत अभिभावकका लागि समय मिलाएर आफ्नो भावना व्यक्त गरे । यो आनन्दको शब्द सधैँ मेरो साथमा रहने छ ।”

प्रधानमन्त्रीले अक्षय कुमारलाई सान्त्वना दिँदै लामो पत्र पठाएका छन् । नवभारत टाइम्सबाट ।