काठमाडौं । एनभीए महिला तथा पुरुष क्लब भलिबल च्याम्पियनसिप आउँदो असोजमा हुने भएको छ ।

आयोजक नेपाल भलिबल संघले छैटौँ संस्करणको च्याम्पियनसिप असोज १० देखि १६ गतेसम्म सञ्चालन हुने जनाएको छ ।

प्रतियोगिता राष्ट्रिय महिला तथा पुरुष क्लब लिग भलिबल च्याम्पियनसिपको छनोट रहेको जनाइएको छ ।

क्लब च्याम्पियनसिपबाट पुरुषतर्फ शीर्ष आठ र महिलाको शीर्ष ६ टोलीले क्लब लिगमा स्थान बनाउनेछन् । क्लब लिग आउँदो चैतमा आयोजना हुने संघले जनाएको छ ।

संघले क्लब च्याम्पियनसिपको पुरस्कार राशिमा वृद्धि गरेको छ । अब विजेताले चार लाख र उपविजेताले दुई लाख रुपैयाँ पाउनेछन् । तेस्रो हुनेले एक लाख रुपैयाँ पुरस्कार पाउने जनाइएको छ ।