काठमाडौं । नेपाली कांग्रेसका सभापति शेरबहादुर देउवाको विकल्पमा एउटै उमेदवार खोज्न रामचन्द्र पौडेलसहितका नेताहरु छलफलमा जुटेका छन् । सभापतिका आकांक्षी बनेका पौडेल–कोइराला समूहका नेताहरु १४ औं महाधिवेसनमा सभापतिको साझा उमेदवार खोज्न छलफलमा जुटेका हुन् । 

काठमाडौंको गौशलास्थित अनुपम फुडल्याण्डमा सभापतिका आकांक्षीहरु जम्मा भएका छन् ।  सभापतिको साझा उमेदवार खोज्ने प्रयोजनका लागि नेपाल टेड्र यूनियन कांग्रेसका पूर्वअध्यक्ष लक्ष्मणसिंह बस्नेतले भेला आयोजना गरेका हुन् । 

“हाम्रो समूहबाट साझा उमेद्वार बनाउन सके हामीले महाधिवेशन जित्छौं र जित्नु पर्छ भनेर भेला आयोजना गरिएको हो,” भेलामा सहभागी एक नेताले भने, “महाधिवेशनेका मुखमा उमेदवारी सार्वजनिक गर्ने र आफ्नो पोजिसन बनाउने एउटा कुरा हो । तर, चुनाव जित्नका लागि सबैले केही न केही त्याग गर्न तयार हुनै पर्छ ।”

छलफलमा सभापतिका आकांक्षीहरु वरिष्ठ नेता रामचन्द्र पौडेल, महामन्त्री शशांक कोइराला, नेताहरु प्रकाशमान सिंह, अर्जुननरसिंह केसी, डा. शेखर कोइराला लगायत नेता उपस्थित छन् ।