काठमाडौं । प्रधानमन्त्री शेरबहादुर देउवाले सबै नेपालीलाई खोप आफ्नो प्राथमिकतामा रहेकाले त्यहीअनुसार अघि बढेको बताएका छन् ।

सांस्कृतिक संघका पदाधिकारीहरुसँग बालुवाटारमा कुराकानी गर्दै यस्तो बताएका हुन् ।

“मेरो अभियान भनेकै खोप हो,” प्रधानमन्त्रीको भनाई उद्धृत गर्दै संघका अध्यक्ष तीर्थ थापाले भने, “सबै नेपालीले खोप पाएपछि अन्य क्षेत्रमा लाग्छु ।”

उनले अहिले पनि निरन्तर खोप आइरहे पनि सबै नेपालीले खोप नपाउन्जेल अभियान नरोकिने बताएका थिए ।

संघका पदाधिकारीले देउवालाई बधाई तथा शुभकामना व्यक्त गरेका थिए ।