काठमाडौं । उपाधि दाबेदार बार्सिलोना स्पेनिस ला लिगा फुटबलमा बराबरीमा रोकिएको छ । मंगलबार राति भएको खेलमा बार्सिलोनाले लेभान्टेसँग ३–३ गोलको बराबरी खेलेको हो ।
लेभान्टेको मैदानमा बार्सिलोनाले आफ्नो अग्रता जोगाउन नसक्दा बराबरी खेल्नुपरेको हो । खेलको २५औँ मिनेटमा लियोनल मेसीले गोल गर्दै बार्सिलोनालाई अग्रता दिलाएका थिए । ३४औँ मिनेटमा पेड्रीले गोल गर्दै बार्सिलोनाको अग्रता दोब्बर पारे ।
५७औँ मिनेटमा गोन्जालो मेलेरोले गोल गर्दै लेभान्टेलाई २–१ को स्थितिमा ल्याए । ५९औँ मिनेटमा जोसे लुइसले गोल गर्दै लेभान्टेलाई २–२ को बराबरीमा ल्याए ।
६४औँ मिनेटमा ओसुमाने डेम्बेलेले गोल गर्दा बार्सिलोनाले ३–२ को अग्रता बनायो । ८३औँ मिनेटमा लेभान्टेका सेर्जियो लिओनले गोल गर्दा बार्सिलोनाले बराबरी खेल्न पुगेको हो ।
बराबरीसँगै बार्सिलोना शीर्ष स्थानमा उक्लन असफल भएको छ । बार्सिलोना ३६ खेलबाट ७६ अंक जोडेर दोस्रो स्थानमा छ । शीर्ष स्थानको एट्लेटिको मड्रिडको ७० अंक छ । लेभान्टे ४० अंक जोडेर १३औँ स्थानमा छ ।
बार्सिलोनाले बराबरी खेल्दा शीर्ष स्थानको एट्लेटिकोलाई सहज भएको छ । एट्लेटिकोसँगै रियललाई पनि सहज भएको छ ।